کابل ۱۲ ثور باختر
ایچکی ایشلر وزیرلیگی نینگ سرپرست وزیری مالیزیا هیئتی بیلن اوچره‌شوویده شونده‌ی دیدی: بیز دنیا نینگ برچه دولتلری، خصوصاً، اسلام عالمی بیلن یخشی مناسبتلر و همکارلیکنی ایسته‌یمیز.
ایچکی ایشلر وزیرلیگی مطبوعات خدمتی بوگون معلوم قیلدی: افغانستان ایچکی ایشلر وزیرلیگی نینگ سرپرست وزیری الحاج خلیفه سراج الدین حقّانی کابلده ایچکی ایشلر، تشقی ایشلر، مدافعه وزیرلیکلری وکیللری و مالیزیا باش وزیرلیگی مصلحتچیلری بیلن اوچره‌شدی.
اوشبو اوچره‌شووده ایچکی ایشلر وزیرلیگی نینگ سرپرست وزیری: بیز دنیا نینگ برچه دولتلری، خصوصاً اسلام عالمی بیلن یخشی مناسبتلر و همکارلیکنی ایسته‌یمیز، مالیزیا ایلغار اسلام دولتی، بیز جیوگرافیک و تاریخی شرایطیمیزگه ماس بولگن تجربه‌لردن فایده‌لنیشیمیز کیره‌ک.
هیئت رهبری داتو دوکتور شازلینا خانم خلیفه سراج الدین حقّانيگه مالیزیا باش وزیری نینگ سلامی و ایزگو تیلکلرینی ییتکزدی، شونینگدیک، مالیزیا نینگ سایبری خوفسیزلیک و رقملی جنایتلر ساحه‌سیده‌گی سعی-حرکتلری و امکانیتلری حقیده معلومات بیریب، وعده بیردی. مالیزیا اوز تجربه‌سی بیلن اورتاقلشدی افغانستانده‌گی موجود تیزیم همکارلیک قیله‌دی دیب ایتدی.
بو اوچره‌شووده ایکّی دولت ایچکی ایشلر وزیرلیکلری بنگی وار مادّه‌لر سوداسیگه قرشی کوره‌ش، افغان پولیس‌سینی تیارلش، ایکّی تامان اورته‌سیده تجربه المشیش و همکارلیک قیلیش مسأله‌لرینی بحث قیلدی.
