کابل ۳۰ دلو باختر
باش وزیر نینگ سیاسی اورین‌باسری مولوی عبدالکبیر نینگ ایتیشیچه، اسلامده کوپچیلیک و آزچیلیککه ا‌ورین یوقلیگی سببلی اسلام امیرلیگی هم اوز ایشلرینی خودّی شو اساسده آلیب باره‌دی.
ارگ اخبارات نامه سیده شونده‌ی یازه‌دی: مولوی عبدالکبیر بیر قطار آقسقاللر، عالِملر، حقوقشناسلر و شیعه و هندو دیندارلری وکیللری، کابل شهری نینگ ۲۲ ناحیه سی و بیر قطار پکتيالیک تدبیرکارلر بیلن علیحده اوچره‌شدی.
اوشبو ییغیلیشده اشتراکچیلر اسلام امیرلیگی بیلن همکارلیک قیلیشلریگه ایشانچ بیلدیردیلر و شونده‌ی دیدیلر: مملکتده اسلام امیرلیگی نینگ قَیته تیکلنیشی بیلن کابل شهریده زورآورلیک، اوغیرلیک، جنایی حقوقبوزرلیکلر و ییر ایگه‌للب آلیش برهم تاپدی و فقرالر استقامت قیلماقده. تولیق خوفسیزلیک.
کابل تومنلری وکیللری شهرده ایچیملیک سووی ییتیشمسلیگینی جدّی معما دیب اتشدی و کابل شهرینی رواجلنتیریش، ایچیملیک سووی بیلن تأمینلش، کابل اهالیسی و اسلام امیرلیگی اورته‌سیده قوشمه فعالیت و همکارلیکنی کوچه‌یتیریش ضرورلیگینی تأکیدله‌دیلر.
شونینگدیک، هندولر و سیکلر وکیللری کابل شهریده‌گی ملکلری نینگ اکثریتی تارتیب آلینیب، اولرنی قَیتریب آلیب، حقوقی معمالریگه ییچیم تاپیش ضرورلیگینی ایتیشدی.
باش وزیرلیک اداره سی نینگ سیاسی اورین‌باسری مولوی عبدالکبیر کابل ناحیه لری وکیللری نینگ سوراویگه جواباً شونده‌ی دیدی: «کابل شهریده ایچیملیک سووی ییتیشمسلیگی جدّی و تشویشلی مسأله، اما اسلام امیرلیگی اونی حل قیلیش اوچون سعی-حرکتلر و کابلگه تازه سوو آلیب کیلیش اوچون سعی-حرکتلر قیلینه‌یاتگنینی تأکیدله‌دی.» باشقه مملکتلردن یاردم آلیش اوچون هم اوشبو بولیمده بحث قیلینگن.
او اسلام امیرلیگی معمالرنی حل قیلیش و خلق نینگ خواهش-ایستکلرینی حل قیلیش اوچون مسوول ایکنینی قوشیمچه قیلیب، شونده‌ی دیدی: «اسلامده کوپچیلیک و آزچیلیککه ا‌ورین بولمه‌گنیدیک، اسلام امیرلیگی هم اوز ایشلرینی شو اساسده آلیب باره‌دی».
اونگه کوره؛ کابل شهری توبدن رواجلنیش و اصلاحاتگه محتاج، برچه تارتیب آلینگن ملکلر اوز ایگه‌لریگه قَیتریله‌دی و بو شهر اهالیسیگه صفتلی خدمتلر کورسه‌تیله‌دی.
باش وزیرلیک اداره سی نینگ سیاسی اورین‌باسری، شونینگدیک، افغانلر، جمله‌دن، شیعه و هندولر نینگ معمالرینی حل قیلیش چاره‌لری کوریلیشینی ایشانتیردی.
تأکیدلش جایزکی، اوشبو اوچره‌شوولر چاغیده پکتيا نینگ ایتنیک آقسقاللری و ایش بیلرمانلری هم پکتيا ایتنیک گروهلری معمالرینی باش وزیرلیک اداره سی نینگ سیاسی اورین‌باسری بیلن یازمه روشده بهم کوردیلر و مولوی عبدالکبیر هم اولرنی موجود امکانیتلرگه کوره، اولر نینگ طلب و تکلیفلری قاندیریله‌دی دییه تأکیدله‌دی.
