کابل، ۲۹ عقرب، باختر
عامه منفعتلر وزیرلیگی نینگ سرپرست وزیری هرات – قندهار جاده سی نینگ ایشلرینی آلیب باریله‌یاتگن یول قوریلیشی نینگ باریشی بیلن تنیشیب، ایش جریانی تیزلشگنینی علیحده تأکیدله‌دی.
عامه منفعتلر وزیرلیگی مطبوعات خدمتی اخبارات نامه سیده شونده‌ی دیدی: اوشبو وزیرلیک وزیری ملا محمد عیسی ثانی قندهار – هرات قتناو یولی نینگ بیر قِسمی بولگن باغ پل یولی – لشکرگاه ایککی یولی ایش آقیمینی باریب کوره‌یاتگنده، اوشبو لایحه نینگ تخنیکی گروهلریگه اوشبو یول ایشلرینی کوزه‌تیب باریشگه جدّی اعتبار قره‌تیش وظیفه‌سینی یوکله‌دی.
لایحه بوییچه ایشلر بیلگیلنگن مدتده یکونلنیشی و یول نینگ اوشبو قِسمیده برچه ترانسپورت معمالری حل ایتیلیشی ضرورلیگینی تاکیدله‌دی.
اوزونلیگی ۷۸ کیلومتر بولگن بو یول قندهار ولایتی نینگ باغ پل حدودیدن باشلنیب، اوشبو ولایت نینگ زیری و میوند تومنلریدن اوتیب، لشکرگاه یولیگه قدَر چوزیله‌دی.
اوشبو یول قوریلیشی کان قازیب آلیش عوضیگه خصوصس شرکتگه بیریلگن.
شونینگدیک، عامه منفعتلر وزیری قندهار – ترینکوت قتناو یولی قوریلیشی بیلن هم تنیشدی.
