کابل ۱۴ حوت باختر
افغانستان باش وزیرلیک اداره‌سی نینگ اورین‌باسری مولوی عبدالسلام حنفی خارجده‌گی افغان ایش بیلرمانلرینی مملکتگه قَیتیب، یورتیمیزنینگ رونقی و ترقیاتیگه حصه قوشیشنی سوردی.
ارگ اخبارات نامه سیده شونده‌ی یازه‌دی: مولوی عبدالسلام حنفی بو التماسینی سپین زر فابریکه‌سی باشلیغی حفیظ الله فریاد و ملی تدبیرکارلردن بیری محب الله اوریاخیل بیلن اوچره‌شوویده بیلدیردی.
اوشبو اوچره‌شووده حفیظ الله فریاد و محب الله اوریاخیل مملکتده‌گی اقتصادی و ایش بیلرمانلیک احوالی یخشیلنیب باره‌یاتگنیدن، برچه فقرالر، اینیقسه تدبیرکارلر و سرمایه‌دارلر نینگ حیاتی و مالی خوفسیزلیگی تأمینلنه‌یاتگنیدن ممنون ایکنلیکلرینی بیلدیردیلر همده ینه‌ده یخشی اقتصادی و سرمایه‌وی تأمینلنیشینی تأکیدله‌دیلر. مملکتده‌گی شرایطلر ایش بیلرمانلر، محلی و خارجی سرمایه‌دارلرنی افغانستانده تجارت قیلیش و سرمایه کیریتیشگه چقیریشنی سوردی.
اولر اسلام امیرلیگی رهبریتیدن محلی ایشلب چیقریشنی قوللب-قوّتلش و تورلی ساحه‌لرده‌گی سرمایه‌دارلرنی رغبتلنتیریشگه علیحده اعتبار قره‌تیشینی طلب قیلدیلر.
باش وزیرلیک اداره‌سی نینگ اورین‌باسری مولوی عبدالسلام حنفی شونده‌ی دیدی: «اسلام امیرلیگی مملکت نینگ برچه فقرالری خوفسیزلیگینی تأمینلش، اقتصادی و سرمایه‌وی ساحه‌لرنی رواجلنتیریش یولیده هیچ قنده‌ی سعی-حرکتلرینی ایه‌مه‌یدی.
باش وزیرلیک اداره‌سی نینگ اورین‌باسری هم قوشیمچه قیلدی: اسلام امیرلیگی مملکتده‌گی برچه سرمایه‌لرنی آلقیشله‌یدی و تدبیرکارلر و سرمایه‌دارلر اوچون ضرور قوله‌یلیکلر یره‌تیب کیلماقده و ینه‌ده یره‌تیشگه دوام بیره‌دی. او خارجده یشهیاتگن برچه افغان ایش بیلرمانلرینی اوز یورتلریگه قَیتیب، یورتیمیزنینگ رونقی و رواجلنیشیگه حصه قوشیشنی سوره‌یدی.
