کابل ۱۷ دلو باختر
بیر قطار طبیات متخصصلری باش وزیرلیک اداره سی نینگ اورین‌باسری مولوی عبدالسلام حنفی بیلن اوچره‌شوویده طبیات اکادمیک مؤسسه‌لری نینگ تعلیم دستورلریده اصلاحاتلر اوتکزیشنی طلب قیلدی.
اخبارات نامه ده، باش وزیرلیک اداره سی نینگ اورین‌باسرلیک مطبوعات خدمتی شونده‌ی یازدی: مولوی عبدالسلام حنفی مملکت نینگ بیر گروه شفاکارلری و طبیات متخصصلری بیلن اوچره‌شدی.
طبیات کینگشی باش رئیسی داکتر گُل محمد عثمان و ساغلیقنی سقلش وزیرلیگی نینگ معینی اسحاق آخوندزاده اشتراک ایتگن اوشبو ییغیلیشده پروفیسور عبدالکریم قیومی باشقه‌لر نامیدن مملکتیمیزده ساغلیقنی سقلش خدمتلرینی قنده‌ی کورسه‌تیش حقیده گپیردی. مملکت، شفاخانه‌لر و شفاکارلر خدمتلری نینگ ایش شرایطلری اگر شرایط یره‌تیلسه، ایلغار طبی اسباب-اسکونه‌لر و متخصصلر صلاحیتی یخشیلنسه، طبی کادرلر تیارلش دستوری و ساغلیقنی سقلش ساحه‌سی اوقوو ریجه‌سیده اصلاحاتلر عملگه آشیریلسه، اولر جواب بیریشی ممکن. و مملکتده ساغلیقنی سقلش ساحه‌سیده‌گی معمالرگه قیینچیلیکلر اونچه لیک قالمسلیگینی تأکیدله‌دی.
قیومی اسلام امیرلیگی رسميلریدن متخصص شفاکارلرنی تیارلش و، ستندرد طبی اسباب-اسکونه‌لر بیلن تأمینلش و ساغلیقنی سقلش مرکزلرینی رواجلنتیریشگه علیحده اعتبار بیریشنی سوردی.
مولوی عبدالسلام حنفی شونده‌ی دیدی: «اسلام امیرلیگی مملکت فقرالریگه طبی خدمتلر کورسه‌تیشنی اوز آلدیگه مقصد قیلیب قویگن و بو باره‌ده رسميلر ملَکه‌لی شفاکارلرنی اوقیتیش و اولرنی ایش بیلن تأمینلش و شفاخانه‌لرده ایشگه جایلشتیریش بیلن بیرگه شفاخانه‌لرنی ایلغار طبی جهازلر بیلن تأمینلشگه حرکت قیلماقده.
شونینگدیک، باش وزیرلیک اداره سی نینگ اورین‌باسری نینگ قوشیمچه قیلیشیچه، حاضرده مملکتیمیزده ایختیصاصلشگن شفاکارلرنی تیارلش اوچون مناسب امکانیتلر موجود و بیز بو امکانیتلرنی کینگه‌یتیریشگه حرکت قیلماقده‌میز.
