هرات ۱۳ ثور باختر
خلقارا محنت کونی مناسبتی بیلن هرات ولایتی محنت و اجتماعی مسألهلر باشقرمهسی و جامی بیلیم یورتی همکارلیگیده «محنتکارلر و اقتصادی ترقیات، معما و امکانیتلر» موضوعیده علمی انجمن اوتکزیلدی.
هرات ولایتی محنت و اجتماعی مسألهلر بوییچه باشلیغی الحاج حافظ میرزا محمد «ابو منصور» مملکتیمیز نینگ برچه محنتکشلرینی خلقارا محنت کونی بیلن تبریکلهدی و محنتکشلر نینگ فداییلیگینی ایسلهتدی، عدالتلی ایش حقی و ایشچیلر نینگ حقوقلرینی یرهتیشنی قوللب-قوّتلهدی، و دیدی: “مملکت محنتکشلری ثمرهلیدیر، اولر اقتصادی اوزگریشلر و اولر اقتصادی رواجلنیش و قَیته قوریشده مهم رول اوینهیدی.”
او امیرلیک ادارهلری، سرمایهدارلر، ملی ایش بیلرمانلر و خصوصی سکتور وکیللریدن ایش اورینلری یرهتیش و امکانیتلرینی تأمینلشده اوشبو بولیم بیلن همکارلیک قیلیشنی سوردی.
باشقه تاماندن، جامی بیلیم یورتی آکادمیک اورینباسری عتيق الله رحیمی بوندهی انجمنلرنی اوتکزیشنی قیمتلی و فایدهلی دیب اتهدی.
بیرینچی می محنت کونی دیب ناملنگن و هر ییلی نشانلنهدی.