کابل، ۱۶ جدی، باختر
غزه سکتوریده‌گی اسرائیل و حماس اورته‌سیده‌گی اوروشدن بیری ۹۰ کوندن آرتیق وقت اوتدی و غزه خرابه‌گه ایلندی، بو شهر نینگ ویران بولیشی ایکّینچی جهان اوروشیده‌گی برلین ویران قیلینگنیدن بیر نېچه برابر کۉپ.
بیرلشگن ملتلر تشکیلاتی اۉزی نینگ سونگگی حساباتیده شونده‌ی دیدی: غزه انقراضی نینگ دوام ایتیشی و اسرائیل ریجیمی نینگ بیلن غزه “یه شش اوچون یراقسیز” حالگه کیلدی.
شونینگدیک، بیرلشگن ملتلر تشکیلاتی آچرچیلیک و کسللیکلر نینگ ترقه‌لیشی طفیلی کوچه‌ییب باره‌یاتگن بشردوستلیک انقراضدن آگاهلنتیریب، ماجرالر، توییب طعاملنمسلیک و طبی خدمتلر نینگ ایتیشمسلیگی غزه ده‌گی ۱.۱ میلیوندن آرتیق باله‌گه تهدید ساله‌دیگن هلاکتلی تسیکلنی یره‌تگنینی ایتدی.
عینِ پیتده، اسرائیل ریجیمی غزه جَنوبینی هوا هجوملری بیلن بامباردمان قیلیشده دوام ایتماقده و غزه جَنوبیده‌گی خان یونس و رفح شهرلری نینگ ۱۶ جدی شنبه کونی ایرته‌لب نشانگه آلینگنی معلوم قیلیندی.
ایتیلیشیچه، بیر‌گینه خان یونیسده ۲۰ دن آرتیق آدم هلاک بولگن.
