کابل ۱۵ ثور باختر
ملی مدافعه وزیرلیگی نینگ سرپرست وزیری چین ایلچیسی بیلن اوچره‌شوویده بیز چین نینگ افغانستانده‌گی سرمایه‌لری و اقتصادی لایحه‌لرینی قوللب-قوّتله‌یمیز و اولر نینگ خوفسیزلیگینی ینه بیر بار تامینله‌یمیز، دیدی.
ملی مدافعه وزیرلیگی مطبوعات خدمتی بوگون ملی مدافعه وزیرلیگی نینگ سرپرست وزیری مولوی محمد یعقوب “مجاهد” چین نینگ کابلده‌گی ایلچیسی جاو شینگ بیلن بوگون اوز دفتریده اوچره‌شگنینی معلوم قیلدی.
اوشبو اوچره‌شووده ملی مدافعه وزیرلیگی نینگ سرپرست وزیری ایکّی دولت اورته‌سیده‌گی دیپلوماتیک علاقه‌لر و سودا-اقتصادی همکارلیکنی ایجابی دیب بهاله‌دی و شونده‌ی دیدی: افغانستان و چین اورته‌سیده انیق عموميلیک بار، شو بیلن بیرگه ایکّی قوشنی دولت اورته‌سیده‌گی مناسبتلرنی مستحکملب، سقلب کیلماقده، چین سرمایه‌سی حسابیدن و افغانستانده‌گی اقتصادی لایحه‌لرنی قوللب-قوّتله‌یمیز و اولر نینگ خوفسیزلیگینی ینه بیر بار تأمینله‌یمیز.
چین ایلچیسی افغانستانده عمومی خوفسیزلیکنی مستحکملشنی اقتصادی و تجاری همکارلیک اوچون یخشی امکانیت دیب حسابله‌دی و قوشیمچه قیلدی: چین افغانستان بیلن تاریخی مناسبتلرینی اره‌لشمسلیک سیاستی بیلن دوام ایتتیردی و سودا، اقتصاد و باشقه مسأله‌لرده افغانستان بیلن همکارلیک قیلیب و قوللیدی.
تامانلر چیگره مسأله‌لری و واخان لایحه‌سی یوزه‌سیدن هم فکر المشدیلر.
