کابل، ۱ دلو، باختر
شهیدلر و معلوللر ایشلری بوییچه وزیرلیگی نینگ معینی اسلام امیرلیگی فداییلری نینگ عایله‌لری بیلن اوچره‌شر ایکن، شونده‌ی ديدی: بو وزیرلیک تامانیدن بو ییل ۱۱ میلیارد افغانی شهیدلر و معلوللر میراثخورلریگه ترقه‌تیلدی.
شهیدلر و معلوللر ایشلری بوییچه وزیرلیگی مطبوعات خدمتی بوگون نشریگه معلوم قیلدی: اوشه وزیرلیک معین شیخ عبدالحکیم حقانی کونر ولایتیده بیر قنچه مخصوص شهیدلر (فداینلر) عایله‌لری بیلن اوچره‌شدی.
او اوشبو عایله‌لر و معلوللرگه قنده‌ی خدمت کورسه‌تیشنی اورگنیش اوچون کونرگه بارگن.
بو سفری دوامیده او بعضی (شهیدلر) عایله‌لری بیلن یقیندن اوچره‌شیب، اولرگه پول یاردملرینی بیردی.
مخصوص شهیدلر و معلوللر عایله‌لری بیلن اوچره‌شوویده او شونده‌ی دیدی: شهیدلر و معلوللر ایشلری وزیرلیگی مالی ییل دوامیده (۱۴۰۲) شهیدلر و معلوللر نینگ میراثخورلریگه اون بیر میلیارد افغانی پول یاردمینی ترقتیلگنینی ایتدی.
او ینه قوشیمچه قیلدی: بعضی شهیدلر (فداینلر) قربانلیگی نینگ برکاتی بیلن الله تعالی مملکتده اسلامی توزومنی اورنتدی، بوگون بیز اسلام امیرلیگی تیزیمیده‌گی بعضی شهیدلر نینگ عایله‌لری بیلن یقیندن اوچره‌شیش اوچون کیلدیک. کتّه‌دن کیچیکگچه همه سیز نینگ خدمتینگیزده جایلشگن بولیب، معمالر هیچ قچان سیزگه یاپیلمیدی و معمالرینگیز اوز وقتیده حل قیلینه‌دی.
اوشبو سفر دوامیده اون اوچ علیحده شهید عایله‌سیگه نقد پول یاردمی بیریلدی و هر بیر عایله‌گه اون بیش مینگ افغانی نقد پولی ترقه‌تیلدی.
