کابل ۱۱ ثور باختر
چین جمهوریتی نینگ کابلده‌گی ایلچیسی افغانستان اسلام امیرلیگی، باش وزیر اداره‌سی نینگ اداری اورین‌باسری بیلن اوچره‌شوویده شونده‌ی دیدی: چینلیک تدبیرکارلر و سرمایه‌دارلر افغانستانگه تورلی ساحه‌لرده سرمایه کیریتیشنی ایسته‌دی.
ارگ خبرنامه‌سیده شونده‌ی یازه‌دی: افغانستان اسلام امیرلیگی، باش وزیر اداره‌سی نینگ اداری اورین‌باسری مولوی عبدالسلام حنفی، چین خلق جمهوریتی نینگ کابلده‌گی ایلچیسی ژاوشینگ بیلن اوچره‌شدی.
اوشبو اوچره‌شووده ژاوشینگ چین-افغانستان مناسبتلرینی ایکّی تاریخی دوست و قوشنی دولت صفتیده تعریفلب، حاضرده بو مناسبتلر اینگ یخشی حالتده ایکنینی، بونی منطقوی درجه‌ده نایاب دیب اتش ممکن، دیدی.
ژاوشینگ چین حکومتی بو مناسبتلرنی امکان قدَر سیاسی، اقتصادی و مدنی ساحه‌لرده ایلگری سوریش و کینگه‌یتیریشنی و «ایکّی دولت اورته‌سیده‌گی مناسبتلرنی مستحکملش مقصدیده افغان طلبه‌لریگه تورلی ساحه و ساحه‌لرده مددمعاش‌لر تقدیم ایتگنینی قوشیمچه قیلدی. شونینگدیک، افغانلر نینگ تورلی ساحه‌لرده، جمله‌دن، طبیاتده صلاحیتینی آشیریش اوچون قیسقه مدتلی اوقوو کورسلرینی تشکیل ایته‌دی.”
او چینلیک ایش بیلرمان و شرکتلر نینگ افغانستانگه تورلی ساحه‌لرده سرمایه کیریتیشگه قیزیقیشینی تیلگه آلیب، ایکّی دولت اورته‌سیده‌گی اقتصادی-سودا مناسبتلری یخشی حالتده ایکنینی، چینلیک ایش بیلرمان و سرمایه‌دارلر افغانستانگه تورلی ساحه‌لرده سرمایه کیریتیشگه تیار ایکنینی تأکیدله‌دی.
چین نینگ کابلده‌گی ایلچیسی یقینده مملکتده صادر بولگن سوو تاشقینی قربانلریگه همدردلیک بیلدیرر ایکن، چین قیزیل یریم آی جمعیتی آرقه‌لی مملکت اولرگه یوز مینگ دالر مقداریده یاردم کورسه‌تیلیشینی اعلان قیلدی و بو یاردم تیز آره‌ده تیگیشلی اداره‌لرگه ییتکزیلیشینی ایتدی.
باش وزیر اداره‌سی نینگ اداری اورین‌باسری هم ایکّی دولت اورته‌سیده‌گی مناسبتلرنی تاریخی دیب تعریفلب، افغانستان و چین اورته‌سیده‌گی مناسبتلر تاریخ دوامیده دوستانه، مستحکم و بوزیلمس بولیب کیلگنینی، اسلام امیرلیگی ایسه بو مناسبتلرنی مستحکملشنی ایستشینی ایتدی. و کیله‌جکده بو علاقه‌لرنی تورلی ساحه‌لرده کینگه‌یتیریشنی ایسته‌دی.
مولوی عبدالسلام حنفی بیرلشگن ملتلر تشکیلاتی کبی خلق‌ارا فارمتلرده چین جمهوریتی نینگ افغانستان اسلام امیرلیگیگه موقفی و مملکت رهبریتی نینگ توغری سیاستی نتیجه‌سی دیب بهاله‌دی و اسلام امیرلیگی بو موقف یوکسک قدرلشینی قوشیمچه قیلدی. چین سیاستی و بو مملکت نینگ اقتصادی لایحه‌لری بیر تمانلمه بیل‌باغ کبی قوللب-قوّتلنه‌دی.
مولوی عبدالسلام حنفی افغانستان نینگ طبيعی منراللری و کانلری بوییچه توخته‌لیب، افغانستان نینگ نایاب منراللر و کانلرگه ایگه ایکنلیگینی، بو چین شرکتلری و سرمایه‌دارلری اوچون بو منراللرگه سرمایه کیریتیش اوچون یخشی امکانیت ایکنلیگینی، اسلام امیرلیگی ایسه هر قنده‌ی سرمایه‌نی قوللب-قوّتلشینی و اونی آلقیشلشینی تأکیدله‌دی.
باش وزیراداره‌سینینگاداریاورین‌باسریمولویعبدالسلامحنفی، شونینگدیک، افغانستان اسلام امیرلیگی برچه دولتلر، خصوصاً، چین خلق جمهوریتی بیلن یخشی مناسبتلر و همکارلیکنی ایستشینی، هیچ کیمگه افغانستان توپراغیدن قوشنی دولتلر خوفسیزلیگیگه قرشی فایده‌لنیشیگه یول قویمسلیگینی تأکیدله‌دی. منطقه و قوشیمچه منطقه و باشقه دولتلر هم افغانستانگه اوزارا حرمت اساسیده مناسبتده بولیشنی ایتدی.
