کابل ۲ حوت باختر
پاکستانده سیلاو نتیجه‌لری اعلان قیلینگنیگه قریب ایکّی هفته اوتگن بولسه-ده، نواز مسلمانلر حزبی، بلاول بوتو باشچیلیگیده‌گی خلق حزبی و ینه تورت حزب اورته‌سیده حکومت توزیش بوییچه کیلیشووگه ایریشگن.
۱۰ کون دوام ایتگن مذاکره‌لردن سونگ، بو آلتی حزب نهایت اورته‌سیده حکومت توزیش بوییچه کیلیشووگه ایریشگنینی اعلان قیلدی.
شهباز شریف و بلاول بوتو تامانیدن اعلان قیلینگن اوشبو کیلیشووگه اساسلنیب، شهباز شریف باش وزیر و آصف علی زرداری لوازمینی ایگه‌لله‌یدی؛ او پاکستان نینگ بوله‌جک جمهور رئیسی بوله‌دی.
۸- فبروریده بولیب اوتگن سیلاولرده مسلم لیگ ۷۹ ا‌ورین، خلق حزبی ۵۴ ا‌وریننی قولگه کیریتدی، بیراق اولر اوزلری حکومت توزیش اوچون کوپچیلیکنی قولگه کیریته آلمه‌دیلر.
عمران خان باشچیلیگیده‌گی «تحریک انصاف » حزبی ۹۶ ا‌وریننی ایگه‌لله‌گن بولسه-ده، قماقخانه‌ده اوتیرگن بو حزب رهبری سیلاولرنی ساخته‌کارلیککه توله دیب اته‌دی و اگر سیلاولر شفّاف بولسه، پارلمانده‌گی کوپچیلیک ا‌ورینلرنی ایگه‌للشینی ایتدی.
