کابل، ۱۵ جدی، باختر
باش وزیرلیک اداره سی نینگ اورین باسری مولوی عبدالسلام حنفی قندوزلیک بیر قطار عالِملر و مجاهدلر بیلن اوچره‌شدی.
باش وزیرلیک اداره سی مطبوعات خدمتی نینگ باختر آژانسیگه بیرگن معلوماتلریگه کوره؛ بو ییغیلیشده قندوز ولایتی جهادی مدرسه‌سی مدیری مولوی سید محی الدین سادات باشقه‌لر نامیدن سوزگه چیقیب، اوشبو ولایتده‌گی اجتماعی-اقتصادی احوال، تعلیم-تربیه و محلي باشقروو حقیده معلومات بیردی.
اونینگ قوشیمچه قیلیشیچه، قندوز ولایتی نینگ محلی متصدیلری خوفسیزلیکنی تأمینلشگه و خلققه ینه‌ده صفتلی خدمت کورسه‌تیش اوچون اوز ایشلرینی یخشی دوام ایتتیریشگه حرکت قیلماقده.
مولوی سعادت اسلام امیرلیگی رهبریتیدن برچه ساحه‌لرگه، خصوصاً، تعلیم و کادرلر تیارلشگه، شونینگدیک، ایتیلگن ولایت نینگ تورلی حدودلریده مدرسه‌لر، تعلیم و اوقوو مرکزلری و تعلیم مؤسسه‌لری قوریلیشیگه علیحده اعتبار قره‌تیشنی سوردی.
باش وزیرلیک اداره سی نینگ اورین باسری اوز نطقیده قندوز ولایتی علمالری و مجاهدلری نینگ اشغالگه قرشی سعی-حرکتلری و فداییلیکلرینی یوکسک بهالب، اسلام امیرلیگی عمومی خوفسیزلیکنی تامینلش و خلققه قوله‌یلیکلر یره‌تیش اوچون برچه ایشنی قیلیشینی تاکیدله‌دی. او علمالر و مجاهدلرنی اولر نینگ تکلیفلری امکانیتلر دایره‌سیده کوریب چیقیلیشیگه ایشانتیردی.
