کابل ۲۶ حوت باختر
بیرلشگن ملتلر تشکیلاتی خوفسیزلیک کینگشی توناون، ۲۵-حوت، جمعه کونی یوناما نینگ افغانستانده‌گی بیرلشگن ملتلر تشکیلاتی اورین‌باسرلیگی نینگ ینه بیر ییلگه اوزه‌یتیریش توغریسیده قطعنامه چیقردی.
یوناما نینگ افغانستانده‌گی بیرلشگن ملتلر تشکیلاتی اورین‌باسرلیگی نینگ اوزه‌یتیریش توغریسیده‌گی قطعنامه‌سی اوشبو کینگش اعضالری نینگ کوپچیلیگی تامانیدن معقوللندی.
۲۷۲۷ (۲۰۲۴) قطعنامه‌سینی قبول قیلیب، خوفسیزلیک کینگشی یوناما و باشقه تشکیلاتلر، بیرلشگن ملتلر تشکیلاتی نینگ نهادلری و دستورلری افغانستان بویلب دوام ایتیشی مهم‌لیگینی تأکیدله‌دی.
کینگش، شونینگدیک، بیرلشگن ملتلر تشکیلاتی باش کاتبیدن هر اوچ آیده افغانستانده‌گی وضعیت و یوناما فعالیتی حقیده حسابات بیریب توریشنی سوردی.
مارچ آییده بیرلشگن ملتلر تشکیلاتی خوفسیزلیک کینگشیگه رئیسلیک قیلووچی جاپان وکیلی شونده‌ی دیدی: یوناما نینگ افغانستانده بولیشی خلق‌ارا هم جمعيت اسلام امیرلیگی بیلن همکارلیکنی چوقورلشتیریش و ایشانچنی مستحکملشگه اینتیله‌یاتگنی اوچون ضرور.
چین نینگ بیرلشگن ملتلر تشکیلاتیده‌گی وکیلی بیرلشگن ملتلر تشکیلاتی نینگ یقینده قبول قیلینگن قطعنامه‌سی حقیده شونده‌ی دیدی: بو قطعنامه افغانستانده‌گی سونگگی واقعه‌لرنی عکس ایتتیرمه‌یدی، حال‌بوکه، خارجی قوشینلر آلیب چیقیب کیتیلگنیدن سونگ ایکّی ییلدن کوپراق وقت اوتگه‌چ، مملکتده عمومی ایچکی وضعیت برقرارلشگن، بیراق اونینگ قوشیمچه قیلیشیچه، بو حلی هم مملکت اقتصادی معمالر و تروریستیک تهدیدلرگه دوچ کیلماقده.
او یوناما برقرار رواجلنیشنی رغبتلنتیریش، منطقوی انتیگراسیون‌گه کمکلشیش و افغان خلقیگه یخشیراق حیات قوریشده یاردم بیریشده فعال رولینی دوام ایتتیریشیگه امید بیلدیردی.
تینچلیک و برقرار رواجلنیش اوچون افغانستانده‌گی سیاسی مأموریت بولگن یوناما ۲۰۰۲ ییلده بیرلشگن ملتلر تشکیلاتی خوفسیزلیک کینگشی تامانیدن تشکیل ایتیلگن.
