کابل ۱۸ حمل باختر
باش وزیرلیک ادارهسی نینگ سیاسی اورینباسری تورکيه نینگ خیریه تشکیلاتلری رسميلری و وکیللری بیلن اوچرهشدی.
مولوی عبدال کبیر اولرگه شوندهی دیدی: افغانستانده خوفسیزلیکنی مستحکملش خیریه ایشلری و سرمایه اوچون یخشی زمینه یرهتدی.
باش وزیرلیک ادارهسی مطبوعات خدمتی بوگون بو خبرنی اعلان قیلیب، شوندهی دیدی: بو اوچرهشووده تورک خیریه تشکیلاتلری مسووللری افغانستاندهگی فعالیتلری حقیده باش وزیرلیک ادارهسی نینگ سیاسی اورینباسریگه معلومات بیردی.
اولر اسلام امیرلیگی نینگ همکارلیگیدن ممنون بولیب، قَیته قوریش، ییتیم بالهلرگه یاردم بیریش، آزیق-اوقت محصولاتلرینی ترقهتیش، ساغلیقنی سقلش و باشقه ساحهلرده محتاج افغانلرگه یاردم بیرهیاتگنینی تأکیدلهدیلر و ناسياسی نهادلر صفتیده فعالیتلرینی دوام ایتتیریشلریگه ایشانتیریشدی.
شونینگدیک، اولر حکومت ادارهلری بیلن کیلیشیلگن حالده مسجد و مدرسهلرنی تامیرلش، و قوریشیدن تشقری، اویسیز عیاللر اوچون ایش اورینلری یرهتیش، کوکنار اوسیملیکلرینی مقابل ایتیشتیریش و بنگی وار مادّهلرگه چلینگلرنی دوالش کبی لایحهلر اوستیده ایشلهماقده.
باش وزیرلیک ادارهسی نینگ سیاسی اورینباسری: افغانستانده خوفسیزلیک نینگ مستحکملنیشی بیلن خیریه ایشلری و سرمایه کیریتیش اوچون یخشی زمینه یرهتیلدی و اسلام امیرلیگیدن هر قندهی همکارلیککه ایشانچ بیریلدی.
او شونینگدیک، سونگگی بیر نیچه اون ییللیکدهگی ترتیبسیزلیکلر طفیلی افغانلر تورلی ساحهلرده یاردمگه محتاج.
باش وزیرلیک ادارهسی نینگ سیاسی اورینباسری تورکيهنی افغانستان نینگ دوستی صفتیده تیلگه آلیب، ایکّی دولت اورتهسیدهگی ایجابی علاقهلر نینگ اوسیشی و تورکيه نینگ افغانستانگه یاردملرینی دوام ایتتیریشینی مهم دیب اتهدی.