جهان، ۱۴ دلو، خارجی عاموی اخبارات واسطه‌لری
غزه ده صهیونیست باسقینچیلر و فلسطین جهادی گروهلری، خصوصاً، حماس حرکتی اورته‌سیده دوام ایته‌یاتگن اوروش بوگون اوزی نینگ ۱۲۰-کونیگه ییتدی.
قربانلر و جراحتلنگنلر نینگ یرمیدن کوپی عیاللر و باله‌لردیر، بیرلشگن ملتلر تشکیلاتی باله‌لر جمغرمه‌سی (یونیسف) نینگ ایتیشیچه، ۱۷ مینگگه یقین باله اولدیریلگن یاکه عایله‌سیدن اجره‌لگن.
بو اوروش آزوق-اوقات ساحه‌سیده کوپلب معمالرنی کیلتیریب چیقردی و حاضرده غزه اهالیسی نینگ اکثریتی قتّيق آچلیکدن اذیت چیکماقده. شونینگدیک، منطقه‌ده‌گی باشقه خدمتلر، خصوصاً، ساغلیقنی سقلش خدمتلری جدّی کیچیکیشلر و توسیقلرگه دوچ کیلماقده، اکثریت شفاخانه‌لر یا بوتونلی ویران بولگن یاکه ساغلیقنی سقلش خدمتلری توخته‌ب قالگن.
آخرگی ۱۲۰ کون ایچیده اتیگی ۷ کونلیک صلح اورنه‌تیلگن بولیب، اونده هر ایکّی تامان هم اسیرلر المشدی و غزه گه بشردوستلیک یاردم پاکتلری ییتکزیلدی.
ایتیش کیره‌ککی، قطر و مصر کبی بعضی دولتلر حلی هم بو اوروشنی توگه‌تیش اوچون ییچیم تاپیشگه حرکت قیلماقده‌لر، بیراق تامانلر نینگ آغیر شرایطلری بو مسأله‌ده سیزیلرلی یوتوقلرگه ایریشالمه گن.
اسرائیل برچه محبوسلر آزاد قیلینمه‌گونچه و حماس حرکتی بوتونلی یوق قیلینمه‌گونچه اوز عملیاتلرینی دوام ایتتیریشینی اَیتماقده، بو اسرائیل اوچون مقبول ایمس.
