کابل، ۳۰ قوس، باختر
ایکینچیلیک، ییرلرنی سوغاریش و چارواچیلیک وزیرلیگی نینگ سرپرست وزیری مولوی عطاءالله عمری لوگر عینک مسی نینگ قازیب آلیش بوییچه شرطنامهده غالب چیققن ام سی سی چین شرکتی باشلیغی خه شوپینگ بیلن اوچرهشدی.
ایکینچیلیک، ییرلرنی سوغاریش و چارواچیلیک وزیرلیگی مطبوعات خدمتی اوشبو خبرنی اعلان قیلدی و شوندهی دیدی: “اوشبو اوچرهشووده تامانلر لوگر عینک مس کانی و بامیان ولایتیدهگی حاجی گک کانی اطرافیدهگی ییرلرنی ساتیب آلیش و سوو تأمیناتی حقیده گپلشدیلر. ایش دوامیده کورسهتیلگن شرکت تامانیدن ضرور کیره کلی ایشلر قبول قیلیندی.
اوشبو ییغیلیشده پینگ، اوشبو شرکت نینگ تاغ – کان صنعتیدهگی ایشلری اوزاق وقتدن بیری توختهتیلگنینی و امکان قدَر تیزراق اوز فعالیتینی قَیته باشلشگه حرکت قیلیشلرینی بیلدیردی.
اونینگ سوزلریگه کوره، اولر اوز ایشینی باشلشلری اوچون ییر و سوو آلیشلری ضرور و بو ساحهلرده ایکینچیلیک وزیرلیگی نینگ سرپرست وزیریدن همکارلیک قیلیشنی سوردی.
ایکینچیلیک، ییرلرنی سوغاریش و چارواچیلیک وزیرلیگی نینگ سرپرست وزیری مولوی عطاءالله عمری اوشبو شرکت معمالرینی حل قیلیش بوییچه اوز فکرلرینی بیلدیریب، قازیب آلیش ایشلرینی تیزراق باشلش کیرهکلیگینی تاکیدلهدی.
چین ام سی سی متالورژی بو مملکت نینگ تیمیر تورده کانلر صنعتی ساحهسیده فعالیت یوریتووچی دولت شرکتی بولیب، لوگر ولایتیدهگی عینگ مس کانینی قازیب آلیش بوییچه شرطنامهنی یوتیب آلگن.