کابل ۲۴ حوت باختر
ایکینچیلیک، ییرلرنی سوغاریش و چارواچیلیک وزیرلیگی نینگ سرپرست وزیری ایران اسلام جمهوریتی نینگ هیئتی بیلن اوچره‌شوویده شونده‌ی دیدی: افغانستانگه قوشنی دولتلردن کیله‌یاتگن حیوانلر کسللیکلری کتّه ضرر کورگن و کوپلب چاروا ماللری نابود بولگن.
ایکینچیلیک، ییرلرنی سوغاریش و چارواچیلیک وزیرلیگی مطبوعات خدمتی بوگون بو خبرنی اعلان قیلدی: اوشبو وزیرلیک نینگ وزیری مولوی عطاءالله عمری کابلگه کیلگن ایران جهادکشاورزی و ایکینچیلیک وزیرلیگی هیئتی بیلن اوچره‌شدی.
ایران اسلام جمهوریتی هیئتی ترکیبیده ایران ایکینچیلیک جهادکشاورزی وزیرلیگی نینگ اورین‌باسرلری علیرضا مهاجر و سید مجتبی نوروزی، ایران اوسیملیکلرنی حمایه قیلیش تشکیلاتی باشلیغی مریم جلیلی مقدم اشتراک ایتماقده.
اوشبو ییغیلیشده جهادکشاورزی وزیرلیگی نبنگ اورین‌باسری علیرضا مهاجر شونده‌ی دیدی: افغانستان ایکینچیلیک وزیرلیگی نینگ تخنیکی هیئتی بیلن اوچ کونلیک بولگنیمیز و صحبتیمیز دوامیده تجربه و بیلیملرنی اوزه‌تیش، ایکینچیلیک خادملرینی تیارلش، همکارلیکده ایشلش بوییچه، ایکینچیلیک، ییرلرنی سوغاریش، صنعت اوسیملیکلری ییتیشتیریش، یاغلی ایکینلر، شالی، پخته، صنعت کارخانه‌لری، شکرقمیش، چارواچیلیک، تکنالوژيلری ترانسفری، قوشمه کورگزمه‌لر، ییرآستی بوییچه ایشلری همده ایکینچیلیک محصولاتلرینی صادرات و واردات قیلیش مسأله‌لری بحث قیلیندی و کیلیشووگه ایریشدیک.
ایکینچیلیک و چارواچیلیک وزیرلیگی نینگ سرپرست وزیری مولوی عطاءالله عمری بو سفر ایران اسلام جمهوریتی و اسلام امیرلیگی اورته‌سیده ایکینچیلیک، چارواچیلیک و ییرلرنی سوغاریش ساحه‌لریده همکارلیکده آلیب باریله‌دیگن ایشلر و یوکلرده ینگی صحیفه آچیشیگه امید بیلدیردی. ایکّی مسلمان خلقی اوز مملکتلری رواجی اوچون بیرگه‌لیکده حرکت قیلیشلری ممکنلیگینی ایتدی.
ایکینچیلیک وزیرلیگی نینگ سرپرست وزیری شونده‌ی دیدی: افغانستان کیینگی ییللرده، اینیقسه، قوشنی دولتلردن کسللیکلر نینگ ترقه‌لیشی، کوپلب چاروا ماللری نابود بولیشی سببلی کوپ معمالرنی باشیدن کیچیردی، ایکّی تامانله‌مه همکارلیک بیلن معمالرنی کمه‌یتیریشیمیز ممکن دیدی.
ایران جهاد کشاورزی ایکینچیلیک وزیرلیگی هیئتی اوچ کون اوّل کابلگه کیلیب، ایکینچیلیک، چارواچیلیک و ییرلرنی سوغاریش مسئوللری بیلن صحبتلشدی و اولر ایکینچیلیک وزیرلیگی متصدیلری بیلن تورلی ساحه‌لرده همکارلیک شرطنامه‌لرینی امضاله‌ماقچی.
