کابل، ۱۱ قوس، باختر
د افغانستان بانک عمومی سرپرست باشلیغی هدایت الله بدری نینگ ایتیشیچه، حاضرده هر قندهی فایده معامله لری تعقیقلنگن و برچه عنعنوی و درآمدلی بانکلر اسلام بانکلریگه ایلنتیریلهدی.
بو بانک مطبوعات خدمتی بوگون اعلان قیلگن اخبارات نامه سیده، هدایت الله بدری نینگ بحرینده بولیب اوتگن «اقتصادی خیلمه – خیللیک و اسلامی بانکچیلیک نقطهی نظریدن نفتسیز دنیا اوچون کیلهجکدهگی اقتصادی تنزل نینگ آلدینی آلیش و ییچیملر» ناملی ایکّی کونلیک کنفراسده معلوم قیلگنینی یازدی.
بدری، “د افغانستان بانکی افغانستان نینگ بانک و مالیه تیزیمینی تولیق اسلامی، ربا و باشقه حرام عمللردن خالی قیلیش اوچون قطعی قرار قیلدی” دیدی. حاضرده هر قندهی فایده معاملاتلری تعقیقلنگن و برچه عنعنوی و فایده بانکلری ریجهگه موافق اسلام بانکیگه ایلنتیریلهدی.
اونینگ قوشیمچه قیلیشیچه، باشقه اسلام دولتلری نینگ تجربهلری همده خلقارا اسلام بانکلری نینگ تجربه و بیلیملریدن فایدهلنیب، افغانستان بانک – مالیه تیزیمینی سودخورلیک و فایدهدن خالی قیلیشگه حرکت قیلماقدهلر و اسلام بانکی نینگ مالیوی محصولاتلری نهفقط شکل، بلکه “ماهیت و طبیعت”ده هم شریعت معیارلریگه ماس کیلیشی کیرهک.
شونینگدیک، او بانکلرنی مالیهلشتیریش خلققه فایده کیلتیرهدیگن و شریعت مقصدلریگه ایریشیشگه یاردم بیرهدیگن ساحهلرده عملگه آشیریلیشی، ینگی ایش اورینلری یرهتیش، قشّاقلیکنی کمهیتیریش، اجتماعی عدالتنی تأمینلهیدیگن لایحهلرگه اعتبار و مبلغ اجرهتیش ضرورلیگینی تأکیدلهدی.
محیط قید ایتیلیشیچه، یوقاریده قید ایتیلگن اوچرهشوو دایرهسیده «ده افغانستان بانکی» باشلیغی خلقارا مالیه بانکی نینگ قطار رسميلری، بیر قطار اسلام مملکتلری مرکزی بانکلری رهبرلری، دیپلوماتلر، اسلام بانکلری اجراچی مدیرلری، علمالر و اسلام بانکلری شریعت کمیتهلری اعضالری همده بنگلهدیش علمالری وکیلی اسلام بانک ایشی و ایکّی تامانلهمه مناسبتلرنی مستحکملش اقتصادی و بانک مسألهلری، افغانستانده اسلام بانکی نینگ قندهی ایشلشی و افغانستان پولینی برقرارلیگی سببلرینی بحث قیلدی.