کابل ۱۲ ثور باختر
مهاجرلر و قیتگنلر وزیرلیگی مینگدن آرتیق افغان مهاجرلری پاکستاندن مجبوراً دیپورت قیلینگنینی اعلان قیلدی.
مهاجرلر و قیتگنلر ایشلری وزیرلیگی مطبوعات خدمتی بوگون بو خبرنی اعلان قیلدی و شوندهی دیدی: ۱ مینگ و ۱۸ افغان مهاجر تورخم و سپین بولدک نینگ تخمینی چیزیغیدن ثور آیی نینگ ۱۱-کونیده مملکتگه قَیتدی. قندهار ولایتی نینگ سپین بولدک چیگره قوماندانلیگی معلوماتلریگه کوره، پاکستان قماقخانهلریدن آزاد ایتیلگن ۶۶۳ کیشی و ۴۲ کیشیدن عبارت ۱۲۱ عایله مذکور چیگرهدن و خلقارا مهاجرلر تشکیلاتی ادارهلریدن یاردم آلیش اوچون مملکتگه قَیتگن. جهان آزوق-اوقات تشکیلاتی و بیرلشگن ملتلر تشکیلاتی نینگ قاچقینلر بوییچه عالی کمیسارلیگی تنیشتیریلدی و اسلام امیرلیگیدن هر بیر عایلهگه ۱۰ مینگ افغانی هم بیریلدی و ۲ یتیم باله ام پی او مؤسسهسیگه تنیشتیریلدی.
ننگرهار ولایتی نینگ تورخم چیگره آمریت معلوماتلریگه کوره، ۵۸ عایله جملهدن، ۳۱۳ کیشی پاکستاندن مجبوراً قَیتریلگن و یاردم آلیش اوچون بیرلشگن ملتلر تشکیلاتی عالی کمیسارلیگی و خلقارا مهاجرلر تشکیلاتی ادارهلریگه تنیشتیریلگن.