کابل، ۴ جدی، باختر
صهیونیست ریجیم اردوسی نینگ غزه دهگی مهاجرلر کمپیگه اویوشتیرگن هوا هجومیده ۷۰ کیشی شهید بولدی.
غزه، اشرف القدره؛ فلسطین ساغلیقنی سقلش وزیرلیگی ایتیشیچه صهیونیست ریجیم نینگ غزه مرکزیدهگی المغازی کمپیگه اویوشتیرگن هوا هجوملری آرتیدن کمیده ییتمیش کبشی قاچقین نینگ شهید بولگنینی معلوم قیلدی.
القدره شوندهی دیدی: “المغازی کمپیده صادر بولهیاتگن واقعهلر تورر – جای حدودیده عملگه آشیریلهیاتگن قیرغیندیر”.
اوشبو هجومده تورر – جای بناسی بوتونلی ویران بولگن. رویترز آژانسیگه کوره، شهید بولگنلر نینگ اکثریتی کیکسه عیاللر و بالهلر دیر.
عینِ پیتده اسرائیل مدافعه کوچلری واقعه یوزهسیدن تیکشیروو آلیب بارهیاتگنینی اعلان قیلدی.
غزه نی نظارت قیلهیاتگن حماس بیانات بیریب، هوا هجومینی “دهشتلی قیرغین” دیب اتهدی و بو “ینگی اوروش جنایتی” ایکنینی ایتدی.
بو فلسطین ساغلیقنی سقلش وزیرلیگی تامانیدن اعلان قیلینگن سونگگی صهیونیست معلوماتلرگه کوره، اسرائیل نینگ غزه گه هجومی باشلنگنیدن بیری ۲۰ مینگ و ۴۰۰ کیشی شهید بولگن و ۵۴ مینگ و ۳۶۰ کیشی جراحتلنگن.
بعضیلر بو فکرده که کمپلرگه قیلینگن هجوم قصاص بولیشی ممکن، دیب حسابلیدی، توناون اسرائیللیک عسکرلری حماس جنگچیلری بیلن قوروقلیکدهگی اوروشده آغیر تلفات کوردی، شو درجهدهکی، اشغالچی ریجیم باش وزیری نیتانیاهو نی شوندهی آغیر تلفاتلر اونی حیرتده قالدیرگنینی ایتدی.