کابل، ۱۸ جدی، باختر
باش وزیرلیک اداره سی نینگ سیاسی اورین‌باسری مولوی عبدالکبیر ایران اسلام جمهوریتی نینگ افغانستان بوییچه مخصوص وکیلی بیلن اوچره‌شوویده شونده‌ی دیدی: عمومی دشمن بولگن داعش نینگ مقصدی منطقه‌نی بیقرارلشتیریش و بی گناه آدملرنی اولدیریشدیر.
وزیرلیک نینگ سیاسی اورین‌باسری مطبوعات خدمتی اخبارات نامه سیده شونده‌ی یازه‌دی: مولوی عبدالکبیر ایران اسلام جمهوریتی نینگ افغانستان بوییچه مخصوص وکیلی و اوشبو مملکت نینگ کابلده‌گی ایلچیسی حسن کاظمی قُمی بیلن اوچره‌شوویده اوز فکرینی بیلدیردی. اولکه‌ده صادر بولگن سونگگی واقعه‌لرده قربان بولگن و یره‌لنگنلر سانیگه همدردلیک بیلدیرگن و داعش نینگ عمومی دشمن صفتیده‌گی مقصدی منطقه‌نی بیقرارلشتیریش و بی گناه آدملرنی اولدیریش ایکنینی ایتدی.
شونینگدیک، افغانستان اسلام امیرلیگی نینگ ییچیمی انیق، افغانستان، جمله‌دن، ایران تامانیدن هیچ کیم تهدید قیلینمسلیگی کیره‌کلیگی، منطقه خوفسیزلیگی و برقرارلیگیده ایجابی رول اوینا‌شگه حرکت قیلیشینی ایتدی.
او ایران اسلام جمهوریتی نینگ افغانستانگه کورسه‌تگن یاردمی و همکارلیگی اوچون منّتدارچیلیک بیلدیریب، افغانستان ایران و برچه قوشنی دولتلر بیلن علاقه‌لرنی رواجلنتیریش و مستحکملشنی ایستشینی، اسلام امیرلیگی ایسه اوزی نینگ اقتصادگه یونه‌لتیریلگن سیاستینی ایلگری سوریش آرقه‌لی، افغانستاننی اقتصادی برقرارلیک و ترقیات نینگ باغلاوچی مرکزی، منطقوی، مهم رول اوینا‌شی کیره کلیگینی ایتدی.
ایران اسلام جمهوریتی نینگ افغانستان بوییچه مخصوص وکیلی حسن کاظمی قُمی: «اونینگ دولتی اسلام امیرلیگی نینگ مخالفلرینی قوللب-قوّتله‌میدی، بیراق اولر افغانستاننی منطقوی همکارلیک نینگ بیر قِسمیگه ایلنتیریشگه حرکت قیلماقده‌لر، شونینگدیک، بو جریانگه قول اورگن گروهلر و دایره‌لر هم شونده‌ی. ایران و افغانستان اورته‌سیده‌گی قره‌مه-قرشیلیک و کیلیشماوچیلیک هیچ قچان موفقیت قازانمه‌یدی».
قُمی، ایران اسلام جمهوریتی نینگ افغانستان اسلام امیرلیگی بیلن تشقی سیاستی همکارلیککه اساسلنگنلیگینی، حاضرده بو ایکّی دولت اورته‌سیده کوپلب همکارلیک حجتلری امضالنگنینی، اونینگ دولتی افغانستان بیلن تجارت ساحه‌سیده شرطنامه‌لر امضاله‌گنینی قوشیمچه قیلدی. ایکینچیلیک، برق انرژیسی و کانچیلیک ساحه‌لریده همکارلیک قیلیشگه تیار و باشقه مسلکی و تخنیکی ساحه‌لرده هم همکارلیک قیلیشگه تیار.
اونگه کوره؛ ایران منطقوی مشترک ترانزیت نینگ منطقه دولتلری نینگ اقتصادی کوچه‌ییشیده و تجارت رواجلنیشیده فایده‌لی بولیشیگه حرکت قیلماقده و بو امکانیتلردن فایده‌لنگن حالده افغان تاوه‌رلری تورکيه و اروپا دولتلری بازارلریگه بی واسطه ییتیب باره‌دی.
ایران اسلام جمهوریتی نینگ افغانستان بوییچه اېلچیسی و مخصوص وکیلی، شونینگدیک، ایرانلیک سرمایه‌دارلر افغان سرمایه‌دارلری بیلن ایکینچیلیک ساحه‌سیده همکارلیک قیلیشگه تیار و اگر افغانستان ایکینچیلیک محصولاتلرینی صادر قیلیشده موفقیت قازانسه، ایران بو محصولاتلر اوچون بیرینچی بازار بولیشینی تأکیدله‌دی.
