هرات، ۵ قوس، باختر
هرات حاکمی شیخ الحدیث مولانا نور احمد اسلام جار تورکيه نینگ افغانستانده‌گی ایلچیسی بیلن اوچره‌شدی.
بو اوچره‌شووده هرات حاکمی تورکيه نینگ تیکا، قیزیل یریم آی و تورک تعلیم بولیملریده‌گی خیرلی خدمتلریدن ممنونلیگینی بیلدیریب، تورکيه نینگ اسلام امیرلیگی بیلن یخشی همکارلیک قیله‌یاتگنینی و بیز بیلن چوقور علاقه‌لر یولیده ایشله‌یاتگنینی تاکیدله‌دی.
شیخ الحدیث اسلام جار نینگ ایتیشیچه، اسلام امیرلیگی مملکتده‌گی یاشلرنی ایش بیلن تأمینلش مقصدیده افغانلر نینگ مهاجرت قیلیشلری نینگ آلدینی آلیش اوچون ییریک اقتصادی لایحه‌لرنی باشلب یوبارگن.
شونینگدیک، او تورکيه ایلچیسیدن خلقیمیز تورکيه‌گه قانونی یول بیلن باریشی اوچون ویزه بولیمیده کوپراق قولیلیکلر یره‌تیشنی سوردی.
عینِ پیتده تورکيه ایلچیسی، اولکه‌سی نینگ تیکا دفتری، تعلیم و تورک قیزیل یریم آی جمعیتی آرقه‌لی دوستلیک علاقه‌لرینی چوقورلشتیریشده دوام ایته‌یاتگنینی بیلدیردی.
تورکيه ایلچیسی افغانلرگه کسل ویزه‌لر بیریشگه حرکت قیله‌یاتگنلرینی قوشیمچه قیلدی.
