کابل، ۲۴جدی، باختر
مینگلب امریکالیکلر اوز دولتلری نینگ پایتختی واشینگتانده فلسطین خلقینی قوللب-قوّتله‌گنلیکلرینی اعلان قیلیب، غزه ده تینچ اهالی نینگ اولدیریلیشینی قاره‌لب، بو زون‌ده اوروشنی توخته‌تیش طلبی بیلن نمایشلرنی باشله‌دیلر.
نمایشچیلر بیردملیک بیلگیسی صفتیده فلسطين بیراقلرینی کوتریب، بو مملکت توب اهالیسی نینگ روماللرینی تقیب آلیب، آمریکا و اسرائیل رسميلریدن غزه ده‌گی اوروشنی توخته‌تیشنی سوره‌شدی.
نمایشچیلر نینگ تخته‌لریده “غزه اوروشی توگه‌سین” و “غزه یشه سین” دیب یازیلگن ایدی. اولر بایدن مأموریتینی اسرائیلگه یاردم جونتگنی اوچون قتّيق تنقید قیلیب، یاردمنی امکان قدَر تیزراق توخته‌تیشنی طلب قیلیشدی.
یواس‌ای خبریگه کوره، اکه‌سی خاتینی و باله‌لری بیلن غزادن اېواکواتسیه قیلینه‌یاتگنده اولدیریلگن میشیگان علا حسین علی: “جمهور رئیس بایدن نینگ قولیده عایله‌م نینگ قانی بار” دیدی.
عینِ پیتده اوشبو مارش اشتراکچیلریدن بیری بولگن یاش یهودی براندون هیبلوم فلسطين خلقیگه بیردملیک بیلدیریش اوچون نمایشگه کیلگنینی ایتدی.
او قوشیمچه‌قیلدی: “کوریه‌پسیزمی، یهوديلرگه غربی دیوارده آسان‌گینه عبادت قیلیشلری ممکن، اما الاقصی مسجدیده همه جایده اسرائیللیک عسکرلر جایلشگن.” نمایشچیلرگه کوره، غزاده زودلیک بیلن اوت آچیشنی توخته‌تیش و مستقل فلسطین دولتینی توزیش یهوديلر منفعتیگه خدمت قیله‌دی.
بو اوتمیشده آمریکا خلقی بایدن نینگ غزه اوروشیده اسرائیلنی قوللب-قوّتله‌گنینی تنقید قیلگن بولسه-ده، شو پیتگچه ۲۴ مینگدن آرتیق اولیم و ۵۹ مینگگه یقین یره‌دار بولدی.
بو دولت نینگ اَیریم سیاستچیلری و فقرالری نینگ قرشیلیکلریگه قره‌مه‌ی، واشنگتن، تل ابیب ریجیمیگه مالی و حربی یاردمینی دوام ایتتیردی و غزه ده صلح اورنه‌تیلیشیگه قرشی چیقدی.
آمریکا اسرائیلنی قوللب-قوّتلش مقصدیده یمنگه هم هجوم قیلدی و یقین شرقده‌گی اوروش زون‌سینی کینگه‌یتیردی.
