کابل ۶ حوت باختر
شهرسازلیک و اوی-جای معینی کابل شهرینی رواجلنتیریش بوییچه ییغیلیشده شونده‌ی دیدی: بیز نینگ مقصدیمیز کابل شهری و مملکت نینگ باشقه شهرلرینی برقرار رواجلنتیریشدیر.
شهرسازلیک و اوی-جای قوریلیش وزیرلیگی مطبوعات خدمتی اوشبو خبرنی بوگون باختر آژانسیگه یوباردی: اوچره‌شووده شیخ مدارعلی کریمی بامیانی، شهرسازلیک و اوی-جای وزیرلیگی شهر ایشلری معینی و داکتر صدرالدین تاجیک، کابل بلدیه سی، شهرسازلیک و رواجلنیش معینی نینگ حضورلریگه باشلنگن.
اوشبو ییغیلیشده کابل بلدیه سی مهندسلری ساساکی مؤسسه‌سی تامانیدن تشکیل ایتیلگن کابل شهری نینگ لایحه‌لشتیریلگن اساسلری حقیده معلومات بیردیلر، شونینگدیک، تشکیل ایتیلگن “شهر رامکه‌لری” جایکا تامانیدن دستوری حقیده هم بحث و فکر المشیلدی.
شیخ مدارعلی کریمی بامیانی شونده‌ی دیدی: بیز نینگ مقصدیمیز کابل شهری و مملکت نینگ باشقه شهرلرینی برقرار رواجلنتیریشدیر، شو نینگ اوچون بیز ایکّله رواجلنیش ریجه‌سی نینگ افضللیکلری و کمچیلیکلرینی دقّت بیلن اورگنیب چیقیشیمیز و کابل شهری نینگ اینگ یخشی رواجلنیش ریجه‌سینی کوریب چیقیشیمیز کیره‌ک.
داکتر تاجیک دیدی: کابل شهری نینگ رواجلنیش ریجه‌سی اوتمیشده‌گی معمالرنی حل قیلیشی و کیله‌جککه قره‌ش و یولنی آچیشی کیره‌ک، کابل شهری ایسه اهالی نینگ اوسیشی و شهر ترقیاتی ساحه‌سیگه کوره رواجلنیشی کیره‌ک.
اوشبو ییغیلیشده ایکّله ریجه بوییچه کابل شهری نینگ رواجلنیشی حقیده کوپراق اورگنیش و یکونی قراردن سونگ حسابات وزیرلر بحثیگه تقدیم ایتیلیشیگه قرار قیلیندی.
