کابل، ۲۴ عقرب، باختر
۵۰۰ کیلو ولت شبرغان – دشت الوان برق اوزه‌تیش لینيی لایحه‌سینی یکونلش و دشت الوان لایحه سینی رواجلنتیریش بوییچه شرطنامه‌سی کابلده امضالندی.
باختر آژانسیگه کوره؛ مذکور شرطنامه بوگون حکومت اخبارات – مدیا مرکزیده «برشنا» شرکتی و «افغان انویست» خصوصی شرکتی اورته‌سیده امضالندی.
اوشبو کیلیشووگه کوره، افغان انویست شرکتی ۳۰۵.۱۷ کیلومتر اوزونلیکده‌گی مذکور لایحه نینگ قالگن ایشلری نینگ ۲۳.۷ فایزینی یکونلیدی.
مانیتورینگ و بهالش میزانلری اساسیده برشنا شرکتی؛ او اوشبو لایحه نینگ عملگه آشیریلیشی و تخنیکی و مالیوی ایشلرینی یقیندن بهالیدی و نظارت قیله‌دی.
اوشبو لایحه نینگ پول قیمتی ۳۶ میلیون دالرنی تشکیل ایته‌دی و ایکّی ییل ایچیده یکونلنه‌دی.
مذکور شرطنامه امضالنیشیده حاضر بولگن باش وزیرلیک اداره سی نینگ اقتصادیات بوییچه اورین باسری ملا عبدالغنی برادر آخوند شونده‌ی دیدی: بو لایحه نه‌فقط مملکت صنعتینی یخشیلش، بلکه برشنا شرکتی اوچون میلیونلب افغانی تأمینلش امکانینی بیره‌دی.
ملا برادر آخوند، شونینگدیک، مملکت صنعتی اقتصادیاتی رواجیده مهم اورین توتیشینی، اسلام امیرلیگی نینگ کیلیشی بیلن بو ساحه‌ده کتّه یوتوقلرگه ایریشیلگنینی قوشیمچه قیلدی.
اوشبو لایحه‌لر نینگ یکونلنیشی بیلن تورکمنستاندن افغانستانگه ارزان و صفتلی برق انرژیسینی اوتکزیش اوچون قولیلیکلر یره‌تیله‌دی و مملکتده‌گی برق تقچیللیگی معماسی کتّه درجه‌ده حل ایتیله‌دی.
