کابل ۲ حوت باختر
باش وزیرلیک اداره سی نینگ دفتر باشلیغی داکتر ملا عبدالواسع شونده‌ی دییدی: اسلام امیرلیگی خارجی تدبیرکارلر و سرمایه‌دارلر بیلن ایجابی همکارلیک قیلیشنی خواهله‌یدی.
ارگ اخبارات نامه سیده شونده‌ی یازه‌دی: داکتر ملا عبدالواسع بو حقده کابولگه کیلگن روسيه‌لیک «خمپیروم سرویس» خلق‌ارا شرکتی باشلیغی میخایل الکساندرویچ مالچنوف و «گیدروماش» خلق‌ارا شرکتی باشلیغی سید امین سید محمد ویچ بیلن اوچره‌شوویده ایتیب اوتدی.
اوشبو اوچره‌شووده «خمپیروم سرویس» خلق‌ارا شرکتی باشلیغی میخایل الکساندرویچ مالچنوف کابل شهریدن چیقیندی ییغیش و قداقلش حدودلریده قوّتی ۱۳۰ میگاوات بولگن ۱۴ ته توربیننی اورنه‌تیش همده برق تیزیم قوریلیشیدن منفعتدار ایکنلیگینی بیلدیردی. اولر سرمایه کیریتیب، ییغیلگن چیقیندیلردن گاز، برق انرژیسی و کیمیاوی اوغیتلر ایشلب چیقریش ممکن.
گیدروماش خلق‌ارا شرکتی باشلیغی سید امین سید محمد ویچ افغانستانده ایچیملیک سووی ایشلب چیقریش و نفت قازیب آلیش و قَیته ایشلشگه سرمایه کیریتیشگه قیزیقیش بیلدیردی.
شونینگدیک، اوشبو ایکّی شرکت رسميلری افغانستان و روسيه‌ده افغان متخصصلرینی تیارلشگه تیار ایکنلیکلرینی بیلدیردیلر.
باش وزیرلیک عالی اداره سی نینگ دفتر باشلیغی، داکتر ملا عبدالواسع شونده‌ی دیدی: «بیز برچه مملکتلر نینگ ایش بیلرمانلری و سرمایه‌دارلری بیلن ایجابی همکارلیک قیلیشنی ایسته‌یمیز، اولرگه ضرور شرط-شرایط و قوله‌یلیکلر یره‌تیب، اولرنی قوللب-قوّتله‌یمیز دیدی.
