هرات، ۲۸ قوس، باختر
هراتده «ودان» موسسه سی کمهگیده عیاللرنی چیبرلیگینی انیقلش و بازار بیلن ایش مقصدیده تورت کونلیک عیاللر هنرمندچیلیگی کورگزمهسی بولیب اوتدی.
غربی حدوددهگی عیاللر تجارت – صنعت اتاقی باشلیغی بهناز سلجوقی باختر آژانسی مخبری بیلن صحبتده بوندهی کورگزمهلر نینگ اوتکزیلیشی هراتده تدبیرکارلیک بیلن شغللنووچی عیاللر نینگ امکانیتلرینی کینگهیتیریشده کتّه یاردم بیریشی ممکنلیگینی ایتدی.
سلجوقی نینگ قوشیمچه قیلیشیچه، هراتده عیاللر اوچون بیزنس امکانیتلری موجود و حاضرده کوپلب عیاللر بو ولایتده تورلی ساحهلرده تدبیرکارلیک بیلن شغللنماقده.
باشقه تاماندن، “ودان” موسسه سی خادیمی نسیمه هاشمی نینگ ایتیشیچه، اوشبو تورت کونلیک کورگزمهده ۱۲۰ عیال اوز محصولاتلرینی مارکیتینگ مقصدیده نمایش ایتگن و اساسی مقصد کوچیریلگن عیاللر اوچون ایش محیطینی آسانلشتیریشدیر.
باشقه تاماندن، اوشبو کورگزمه اشتراکچیلری هم شوندهی کورگزمهلر نینگ اوتکزیلیشیدن ممنون ایکنلیکلرینی بیلدیریب، بوندهی کورگزمهلرده اوز محصولاتلرینی نمایش ایتیشلری ممکنلیگینی ایتیشدی.
عیاللر هنرمندچیلیگی بویوملری کورگزمهسیده قالینلر، آزوق – اوقات محصولاتلری، کلالچیلیک بویوملری، رسملر، میناتورلر، دستکوللر، کلله پوشلر، عیاللر کییملری کبی محصولاتلر نمایش ایتیلدی.