کابل ۱۴ حوت باختر
صنعت و تجارت وزیرلیگی نینگ سرپرست وزیری نورالدین عزیزی تورکمنستان جمهوریتیگه سفری دایره‌سیده تورکمنباشی پورتیگه (بندریگه) تشریف بویوردی.
باختر آژانسیگه کوره؛ صنعت و تجارت وزیرلیگی نینگ سرپرست وزیری تورکمنباشی پورتیگه تشریفی چاغیده اوشبو پورت افغانستان نینگ خزر بویی مملکتلریگه ترانزیتی اوچون قوله‌ی، دیب تاپدی.
او، شونینگدیک، افغانستاننی تورکمنستان نینگ جنوبی آسیا بازارلریگه چیقیشی اوچون توغری یول دیب اته‌دی و شونده‌ی دیدی: افغانستان و تورکمنستان قوله‌ی جیوگرافیک جایلشووگه ایگه و بو جایلشوودن فایده‌لنگن حالده ایکّی دولت کتّه‌راق اقتصادی اوسیشگه گواه بوله‌دی.
او قوشیمچه قیلدی: «اوشبو پورتدن فایده‌لنیب، افغانستانگه ضرور بولگن خام‌اشیانی تشیش اوچون قوله‌یلیکلر یره‌تیلدی و بیز مملکت ترانزیت سکتورینی بو یولدن امکان قدَر کوپراق فایده‌لنیشیگه حرکت قیلیه‌پمیز.»
ایسله‌تیب اوتمیز، صنعت و تجارت وزیرلیگی نینگ سرپرست وزیری؛ تورکمن-افغان بیزنس علاقه‌لری کنفراسسی، افغانستان محصولاتلری و تاوه‌رلری کورگزمه‌سینی آچیش همده ایکّی دولت اورته‌سیده‌گی تجارت و ترانزیت همکارلیکنی کینگه‌یتیریش مسأله‌لری یوزه‌سیدن تورکمنستان رسميلری بیلن اوچره‌شیش مقصدیده تورکمنستانگه جونه‌ب کیتدی.
