کابل، ۴ جدی، باختر
افغانستان تشقی ایشلر وزیرلیگی نینگ سرپرست وزیری مولوی امیرخان متقی ایرانلیک هم‌کسبی بیلن اوچره‌شوویده ایکّی دولت اورته‌سیده‌گی سیاسی علاقه‌لرنی کینگه‌یتیریش مسأله‌لرینی بحث قیلدی.
وزیرلیک مطبوعات کاتبی اورین‌باسری حافظ ضیا احمد اوزی نینگ ایکس صحیفه‌سیده شونده‌ی یازدی: خلق‌ارا انجمنده اشتراک ایتیش اوچون ایرانگه بارگن مولوی متقی ایران تشقی ایشلر وزیری حسین امیر عبداللهیان بیلن اوچره‌شدی.
احمد نینگ قوشیمچه قیلیشیچه، بو اوچره‌شووده ایکّی تامان افغانستان و ایران اورته‌سیده‌گی دیپلوماتیک علاقه‌لرنی کینگه‌یتیریش مسأله‌سینی بحث قیلگن.
اونینگ سوزلریگه کوره؛ مولوی امیر خان متقی افغانستان و ایران اورته‌سیده‌گی سیاسی، اقتصادی، سودا و ترانزیت مناسبتلرینی مستحکملش بوییچه ثمره‌لی چاره – تدبیرلرنی تیلگه آلدی، شونینگدیک، حسین امیر عبداللهیان بیلن افغان مهاجرلری و محبوسلری نینگ احوالینی، اولر نینگ معمالرینی حل ایتیشنی بحث قیلدی.
حسین امیر عبداللهیان افغانستان اسلام امیرلیگی نینگ فلسطین مسأله‌سیده‌گی ایجابی موضوع سینی یوقاری بهاله‌گن بولسه – ده، افغان قاچقینلری و محبوسلری معمالرینی حل قیلیشده ایران مؤسسه‌لری همکارلیگیگه ایشانتیردی.
اوّلراق افغانستان اسلام امیرلیگی تشقی ایشلر وزیرلیگی نینگ سرپرست وزیری مولوی امیر خان متقی غزه ده‌گی اوروشگه قره‌تیلگن ترتیبلرنی ایکّی تامانله‌مه دیب اته‌گن و «بو وضعیت بیلن «جهان ترتیبیده» اوزگریشلر نینگ شکللنیشی انیق»، دیگن ایدی.
