کابل ۱۶ حوت باختر
نیمروز ولایت حاکمی جهان آزوق-اوقات تشکیلاتی وکیللری بیلن اوچرهشوویده اوشبو ولایت نینگ تورلی حدودلریگه انسانپرورلیک یاردمی جونهتیشنی طلب قیلدی.
نیمروز ولایت حاکمی مطبوعات خدمتی اوشبو خبرنی اعلان قیلیب، شوندهی دیدی: بو ییغیلیشده جهان آزوق-اوقات تشکیلاتی وکیللری شیخ محمد قاسم خالدگه نیمروزدهگی فعالیتی حقیده معلومات بیریب، افغانستان خلقیگه تورلی ساحهلرده یاردم بیرگنلیکلرینی ایتیشدی. و تورلی ولایتلرده یاردم کورسهتیش جریانی دوام ایتیریلیشینی ایتیب اوتدی.
اولر شونینگدیک: اسلام امیرلیگی حکمرانلیگی بیلن مملکتده عمومی خوفسیزلیک تأمینلنگن و اولر افغانستان نینگ برچه حدودلریگه بشردوستلیک یاردم ییتکزه آلهدیلر، دیدیلر.
نیمروز ولایت حاکمی افغانستاندهگی محتاج عایلهلرگه یاردم کورسهتهیاتگن جهان آزوق-اوقات تشکیلاتی وکیللریگه علیحده منّتدارچیلیک بیلدیردی.
شیخ محمد قاسم خالد جهان آزوق-اوقات تشکیلاتی نینگ اوشبو وکیللریدن نیمروز ولایتی نینگ چیکّه حدودلریگه یاردم ترقهتیشنی باشلشنی سوردی.
جناب خالد، شونینگدیک، جهان آزوق-اوقات دستوری رسميلری بیلن نیمروز ولایتیدهگی سوو تنقیصلیگی معماسینی هم بحث قیلدی و اولردن نیمروز اهالیسیگه بو ساحهده-ده یاردم بیریشنی سوردی.