کابل، ۵ دلو، باختر
۶۵ کیشی اوکراینلیک محبوس و ۹ کیشی روسيه فقراسی، جمله‌دن آلتیته پرواز خدمه سی و اوچ کیشی قوریقچی بولگن روسيه حربی اوچاقی هلاکتگه اوچره‌دی.
بو واقعه چهارشنبه کونی ۴ دلو توشدن آلدین صادر بولدی بو اوچاق نینگ قوله‌ب توشگنی و هلاکت سببلری حقیده ضدیتلی معلوماتلر موجود.
روسيه نینگ «ریا نووستی» دولت اخبارات آژانسی خبر بیردی: «اوشبو حربی اوچاق اوکراینلیک حربی اسیرلرنی روس عسکرلری بیلن المشیش اوچون آلیب کیته‌یاتگن ایدی، اییرباشلش قه‌یېرده بوله‌یاتگنی ایتیلمه‌گنمی؟
عینِ پیتده روسيه و اوکراین بیرلشگن عرب امیرلیکلری واسطه‌چیسی بیلن اوز حربی اسیرلرینی المشیش بیلن شغللنماقده.
دستلبکی حساباتیده اوچاق هلاکتی سببلرینی تیلگه آلمه‌گن روسيه مدافعه وزیرلیگی، کیینراق اوکرایننی اوچاقگه راکت آتیش آرقه‌لی اوریب توشیریلیشیگه سببچی صفتیده کورستدی.
ایکّی کیشی یوقاری مرتبه‌لی روسيه‌لیک دیپوتات اوچاق اوکراین کوچلری تامانیدن آتیلگن راکت‌لر بیلن اوریب توشیریلگنیگه دلیل کیلتیرمسدن توریب دعوا قیلدی.
چهارشنبه کونی ایرته‌لب اوکراین عاموی اخبارات واسطه‌لری مملکت اردوسی نینگ روسيه حربی اوچاقینی «راکت» بیلن اوریب توشیرگنینی خبر قیلدی، بیراق کیینراق اونینگ حساباتینی اوچیریب تشله‌دی.
