کابل، ۲۸ قوس، باختر
صنعت و تجارت وزیرلیگی نینگ اورینباسری مولوی قدرت الله جمال ملی ترانزیت کمیتهسی ییغیلیشیده قانونلر اجراسی، اهالی اوچون ضرور قولهیلیکلر یرهتیشگه علیحده اورغو بیردی.
باختر آژانسیگه کره؛ صنعت و تجارت وزیرلیگی اورینباسری مذکور ییغیلیش اوّلیده انتظام و انتظامنی اسلام دینیدهگی تمایل دیب بیلدی و شوندهی دیدی: بیز قانونلرنی حیاتگه تطبیق ایتیش، خلق اوچون ضرور قولهیلیکلر یرهتیش نیتیده ییغیلگنمیز، بوندن منفعتدارمیز.
سونگره کمیته اعضالری تورخم بندریده بالهلر و کتّهلر نینگ مملکتگه کیریش – چیقیشلری همده اولر تامانیدن ملکنی ناقانونی روشده مملکتگه اوتکزیب یوباریشلری همده اوشبو بندرده بیلگیلنگن مدتدن آلدین اداری ایشلرنی توختهتیب قویگنلیکلری یوزهسیدن خلقارا طلبلرنی حسابگه آلگن حالده بالهلر محنتی توغریسیدهگی قانونلر قبول قیلیندی و اونینگ افغانستان خوفسیزلیگی، ترانزیتی، ترتیب – انتظامی و منفعتلریگه تأثیری بحث قیلیندی همده اوز فکر و ملاحظهلری بیلن اورتاقلشدی.
اوشبو ییغیلیشده تورخم بندری و مملکت نینگ باشقه بندرلریدهگی تیگیشلی بولیملر اوشبو ییغیلیشده بحث قیلینگن مسألهلرنی دقّت بیلن اورگنیب چیقیشلری همده ملی ترانزیت کمیتهسی نینگ نوبتدهگی ییغیلیشیگه اوز حساباتلری و تکلیف قیلینگن ییچیملرنی تقدیم ایتیشلری توغریسیده قرار قبول قیلیندی.