کابل ۲۲ حوت باختر
صنعت و تجارت وزیرلیگی نینگ سرپرست وزیری نورالدین عزیزی پاکستان تجارت وزیرلیگی نینگ معینی بیلن آنلاین اوچرهشوویده ایکّی دولت اورتهسیده تجارت و ترانزیت علاقهلرینی یخشیلش مسألهلرینی بحث قیلدی.
باختر آژانسیگه کوره؛ اوچرهشووده تجارت و ترانزیت ساحهسیدهگی معمالرنی برطرف ایتیش و تورغونلیک نینگ آلدینی آلیش، ایکّی مملکت اورتهسیدهگی تاور (تجارت) ییرباشلش حجمینی آشیریش همده سونگگی ایکّی ییلده ایریشیلگن یوتوقلر حقیده سوز یوریتیلدی.
شونینگدیک، صنعت و تجارت وزیرلیگی نینگ سرپرست وزیری تجارت و ترانزیت توسیقلرینی برطرف ایتیش، ضرور قولهیلیکلر یرهتیش، ایکّی دولت حکومتی و خصوصی سکتوری اورتهسیده یقین علاقهلرنی اورنهتیش، منطقوی همکارلیکنی کینگهیتیریشگه علیحده اعتبار قرهتدی.
بو اوچرهشووده نورالدین عزیزی پاکستان تجارت وزیرلیگی نینگ معینی محمد خرّم آغانی کابلگه کیلیب، مسألهلرنی یقیندن بحث قیلیشگه تکلیف قیلدی.