کابل ۲۱ حوت باختر
اوتگن هفته‌ده اسلام امیرلیگی تشقی ایشلر وزیرلیگی هندوستان جمهوریتی تشقی ایشلر وزیرلیگی نینگ افغانستان بوییچه مخصوص وکیلی باشچیلیگیده‌گی هیئتسینی کوتیب آلدی.
جی بی سِنگ کابلگه تشریفی دوامیده اسلام امیرلیگی نینگ قطار یوقاری مرتبه‌لی عملدارلری، جمله‌دن، تشقی ایشلر وزیرلیگی نینگ سرپرست وزیری امیر خان متقی بیلن اوچره‌شگن ایدی.
هندوستان نینگ اوشبو یوقاری مرتبه‌لی دیپلوماتی نینگ کابلگه تشریفیدن سونگ، اوشه اولکه نینگ تشقی ایشلر وزیرلیگی مطبوعات کاتبی نیو-دهلی و امیرلیک اورته‌سیده‌گی اوزارا همکارلیکنی تأکیدله‌دی و شونده‌ی دیدی: هندوستان نینگ افغانستانده‌گی سیاستینی تاریخی علاقه‌لر باشقه‌ره‌دی.
هندوستان تشقی ایشلر وزیرلیگی مطبوعات کاتبی رندهیر جیسوال نینگ معلوم قیلیشیچه، بو مملکت نینگ مخصوص وکیلی باشچیلیگیده‌گی دیپلوماتیک هیئتی هندوستان نینگ افغانستان خلقیگه کورسه‌ته‌یاتگن انسانپرورلیک یاردمی و افغان تدبیرکارلری تامانیدن چابهار پورتیدن فایده‌لنیش مسأله‌لرینی امیرلیک و بیرلشگن ملتلر تشکیلاتی رسميلری بیلن بحث قیلگن.
هندوستان مخصوص وکیلی نینگ افغانستانگه تشریفی حقیده جیسوال هندوستان نینگ افغانستان خلقی بیلن تاریخی و تمدنی علاقه‌لری بارلیگینی و بو رشته‌لر هندوستان نینگ افغانستانگه نسبتاً یاندشووی و سیاستینی یونه‌لتیریشینی تأکیدله‌دی.
او قوشیمچه قیلدی: شونینگدیک، هیئتمیز بیرلشگن ملتلر تشکیلاتی نینگ افغانستانگه یاردم کورسه‌تیش اورین‌باسرلیگی (یوناما) رسميلری، افغان ایش بیلرمان دایره‌لری هیئتی رسميلری و اعضالری بیلن هندوستان نینگ افغان خلقیگه کورسه‌ته‌یاتگن انسانپرورلیک یاردمی، افغان تدبیرکارلری تامانیدن چابهار پورتیدن فایده‌لنیش مسأله‌لری هم بحث قیلندی.
عینِ پیتده اسلام امیرلیگی باشقه دولتلر بیلن اوزارا همکارلیک و اویغون استراتیژيسینی همده مناسبتلرده موازنتلی سیاستنی قبول قیلدی.
