کابل ۱۱ سرطان باختر
دوحه اوچینچی ییغیلیشده قتنهشیش اوچون قطرگه بارگن افغانستان اسلام امیرلیگی هیئتی هالند وکیلی بیلن بولیب اوتگن اوچرهشوویده ایکّی دولت اورتهسیدهگی مناسبتلر نینگ ایجابی یونهلیشلرینی مستحکملشگه علیحده اعتبار قرهتدی.
اوشبو هیئتگه باشچیلیک قیلهیاتگن افغانستان اسلام امیرلیگی مطبوعات کاتبی مولوی ذبیحالله مجاهد اوزی نینگ ایکس صحیفهسیده شوندهی یازهدی: «بیز هالند وکیلی بیلن هم اوچرهشدیک». هالند افغانستانگه ایجابی نقطهی نظرگه ایگه ایدی و بیز ایکّی دولت اورتهسیدهگی مناسبتلر نینگ ایجابی یونهلیشلرینی مستحکملشگه علیحده اعتبار قرهتدیک.
مجاهد باشقه بیر تویتیده قزاقستان تشقی ایشلر وزیری اورینباسری و ایلچیسی بیلن اوچرهشگنینی اعلان قیلدی و بو اوچرهشووده افغانستان و قزاقستان اورتهسیدهگی سودا و دیپلوماتیک علاقهلرنی مستحکملش مسألهلرینی بحث قیلگنلیکلرینی قوشیمچه قیلدی.
اونینگ تأکیدلشیچه، افغانستان و قزاقستان اورتهسیدهگی ایکّی تامانلهمه مناسبتلر جوده یخشی حالتده و هر ایکّی تامان هم مستحکم و کینگ قمراولی مناسبتلر اوچون کوپراق حرکت قیلماقده.
افغانستان اسلام امیرلیگی مطبوعات کاتبی افغانستان اسلام امیرلیگی هیئتی نینگ دوحهده مملکتلر وکیللری بیلن اوچرهشووی حقیده معلومات بیردی، شونینگدیک، اوشبو هیئت نینگ اندونیزیا تشقی ایشلر وزیری بیلن اوچرهشووی حقیده معلومات بیردی و دیدی: بو اوچرهشووده ایکّی دولت اورتهسیدهگی مناسبتلرنی مستحکملش، اقتصادی همکارلیک و ایشانچنی مستحکملش بارهسیدهگی سعی-حرکتلر بحث قیلیندی دیب ایتدی.
افغانستان اسلام امیرلیگی نینگ دوحه شهریدهگی مولوی ذبیحالله مجاهد باشچیلیگیدهگی هیئتی اوچینچی دوحه ییغیلیشی نینگ آچیلیش مراسمی و اوندهگی نطقی آلدیدن اوزبیکستان، روسيه، هدوستان و سعودی عربستان وکیللری بیلن هم اوچرهشگنینی یازگن.
بوگون دوحهده بولیب اوتهدیگن ایکّی اوچرهشووده مالی و بانک بوییچه و خصوصی سکتور نینگ اوسیشیگه تهدیدلر، شونینگدیک، بنگی وار مادّهلرگه قرشی کورهش و ترقیاتنی سقلب قالیش مسألهلری بحث قیلینهدی.