کابل ۱۰ سرطان باختر
افغانستان مرکزی بانک سرپرست باشلیغی هدايت‌الله بدری و اونینگ همراهلیگیده‌گی هیئت اسلامی مالی خدمتلر کینگشی نینگ ۲۲- ینچی ییللیک ییغیلیشیده قتنه‌شیش اوچون جیبوتی‌گه جونه‌ب کیتدی.
بوگون افغانستان مرکزی بانک مطبوعات خدمتی اوشبو ییللیک ییغیلیش جاری ییل نینگ جولای آیی نینگ بیرینچی و ایکّینچی کونلریده اسلامی مالی خدمتلر کینگشی و اوشبو مملکت مرکزی بانکی تامانیدن باشلنگنینی اعلان قیلدی، اونده باشقروو نینگ فعالیتی و مالی حساباتلری اعلان قیلیندی. اوتگن ییلی بحث قیلینگن، ریجه‌لر بوییچه فکر المشیلگن دن سونگ و کیینراق تصدیقلنه‌دی.
کینگشگه اعضا دولتلر، شونینگدیک، شریعت تمایللری، اسلامی بانکی نینگ تیگیشلی میزانلری، مالی شرکتلری و بانکلرینی یخشی باشقه‌ریش، رقملشتیریش نینگ اسلامی بانکچیلیگیگه تأثیری و رغبتلنتیریش بوییچه عملی ریجه و چاره-تدبیرلرنی بحث قیلیشلری و فکر المشیشلری کیره‌کلیگی ایتیله‌دی.
اسلامی مالی خدمتلر کینگشی خلق‌ارا تشکیلات بولیب، اسلامی مالی خدمتلری سکتوری نینگ سلامتلیگی و برقرارلیگینی مستحکملش اوچون ستندردلرنی تیارله‌یدی و نشر ایته‌دی. اوشبو میزانلر شریعت معیارلری و اسلام تمایللری دایره‌سیده بانک سکتوری، مالی بازارلری و اسلامی مالی خدمتلر ساحه‌سیده فعالیت یوریتووچی مؤسسه‌لر فعالیتی اطرافیده‌گی سوغورته اوچون یره‌تیلگن.
ایسله‌تیب اوتمیز، « افغانستان مرکزی بانکی»، اسلامی دولتلری نینگ مرکزی بانکلری، اسلامی بانکلری و خلق‌ارا انستیتوتلر اسلامی مالی خدمتلر کینگشی اعضالری حسابلنه‌دی.
