فیضآباد ۹ سرطان باختر
توناون بدخشان نینگ یمگان تومنیده صادر بولگن سیل و کوچکی عاقبتیده ۲ کیشی جان بیریب، ۶ کیشی تن جراحتی آلگن.
بدخشان طبيعی آفتلرنی باشقهریش باشقرمهسی باشلیغی مولوی محمد اکرم «اکبری» باختر آژانسی نینگ مخبری بیلن صحبتده یمگان تومنی نینگ ونی قیشلاغیده صادر بولگن سوو تاشقینی و کوچکیلر عاقبتیده ۲ کیشی جان بیریب، ۶ کیشی جراحتلنگنینی معلوم قیلدی.
اونینگ تأکیدلشیچه، اوشبو طبيعی حادثهده ۱۶ تورر-جای، بیر مکتب و ۵ کیلومتر یول هم ویران بولگن.
اونینگ قوشیمچه قیلیشیچه، اوشبو بولیم نینگ تدقیقات گروهی همکار تشکیلاتلر بیلن حدودگه تیرگاو اوتکزیش اوچون یوباریلگن و جبرلنگنلرگه یاردم کورسهتیشنی باشلهگن دیدی.