کابل ۱۰ سرطان باختر
اوچینچی دوحه اوچره‌شوویده قتنه‌شیش اوچون قطرگه بارگن افغانستان اسلام امیرلیگی هیئتی اوزبیکستان و روسيه مخصوص وکیللری بیلن اوچره‌شدی.
اوشبو هیئتگه باشچیلیک قیله‌یاتگن افغانستان اسلام امیرلیگی مطبوعات کاتبی مولوی ذبیح‌الله مجاهد بوگون اوزی نینگ ایکس صحیفه‌سیده اوزبیکستان جمهور رئیسی نینگ مخصوص وکیلی عصمت‌الله ارگاشف بیلن اوچره‌شیب، فکر المشگنی حقیده یازدی.
مجاهد نینگ قوشیمچه قیلیشیچه، اوزبیکستان و افغانستان بیر قطار اقتصادی لایحه‌لرنی بیرگه‌لیکده عملگه آشیرماقده و اوزبیکستان دوحه‌ده‌گی اوچره‌شوویده افغانستان اسلام امیرلیگی موقفی‌نی قوللب-قوّتلشینی معلوم قیلگن.
او اوزی نینگ ایکس صحیفه‌سیده‌گی نوبتده‌گی تویتیده بوگون دوحه‌ده روسيه جمهور رئیسی نینگ مخصوص وکیلی ضمير کابلوف بیلن مهم اوچره‌شوو اوتکزگنی و افغانستان و روسيه اورته‌سیده‌گی مناسبتلرنی کینگه‌یتیریش مسأله‌لرینی بحث قیلگنینی یازدی.
اونگه کوره؛ روسيه افغانستان اسلام امیرلیگی موضوعی‌نی قوللب-قوّتله‌دی، افغانستان اسلام امیرلیگی ایسه روسيه‌گه ایجابی و چمبرچسب موقفی اوچون منّتدارچیلیک بیلدیردی.
مولوی ذبیح‌الله مجاهد، شونینگدیک، افغانستان اسلام امیرلیگی هیئتی نینگ هندوستان نینگ افغانستان، پاکستان و ایران بوییچه وکیلی جی پی سنگھ بیلن اوچره‌شووی حقیده معلومات بیریب، اوشبو اوچره‌شووده افغانستان و هندوستان اورته‌سیده‌گی مناسبتلرنی مستحکملش مسأله‌لری بحث قیلینگنینی قوشیمچه قیلدی.
افغانستان اسلام امیرلیگی مطبوعات کاتبی اوچینچی دوحه ییغیلیشیده هندوستان هم افغانستان اسلام امیرلیگی موضوعی‌نی قوللب-قوّتله‌گنینی و افغانستانگه کورسه‌تگن یاردمی اوچون هندوستانگه منّتدارچیلیک بیلدیردی.
افغانستان اسلام امیرلیگی هیئتی‌گه افغانستان اسلام امیرلیگی مطبوعات کاتبی مولوی ذبیح‌الله مجاهد رهبرلیک قیلماقده همده تشقی ایشلر، ایچکی ایشلر، صنعت و تجارت وزیرلیگی وکیللری، افغانستان اسلام امیرلیگی سياسی اداره‌سی باشلیغی قتنشماقده. دوحه‌ده‌گی افغانستان اسلام امیرلیگی و توناون ییغیلیشده قتنه‌شیش اوچون افغانستان مرکزی بانک وکیلی اوچینچیدن، دوحه قطرگه سفر قیلدی، اولر بوگون اوشبو ییغیلیشده قتنشه‌دی دیدی.
تشقی ایشلر وزیرلیگی نینگ اوچینچی سیاسی باشقرمه باشلیغی ذاکر جلالی نینگ بیاناتلریگه کوره؛ اوچینچی دوحه اوچره‌شووی رسماً باشلنگونگه قدَر افغانستان هیئتی هندوستان، سعودی عربستان، قزاقستان، بویوک بريتانيا، ناروی، اندونیزیا، هالند و بیرلشگن ملتلر تشکیلاتی وکیللری بیلن یانمه-یان اوچره‌شوولر هم اوتکزگن دیدی.
جلالی، شونینگدیک، بوگون (۳۰-جون) اوچینچی دوحه ییغیلیشی نینگ رسمی آچیلیشی محلی وقت بیلن ۰۶:۴۵ ده باشلنیب، ۲۰:۴۵ ده توگه‌شینی، اوچینچی دوحه ییغیلیشی نینگ ایکّینچی کونیده ایسه ایکّی اوچره‌شوو بولیب اوتیشینی ایتدی. بولیب اوتگن بیرینچی ییغیلیشده مالی و بانک بیرکیتیلگن پوللر و خصوصی سکتور موضوعی، ایکّینچی ییغیلیشده ایسه بنگی وار مادّه‌لرگه قرشی کوره‌ش و ترقیاتنی سه‌قلب قالیش مسأله‌لری بحث قیلینه‌دی دیب ایتدی.
اونگه کوره؛ اوچینچی دوحه اوچره‌شووی قید ایتیلگن مسأله‌لر بحثی‌دن سونگ ایکّینچی کونی یکونلنه‌دی.
بوندن آلدین افغانستان اسلام امیرلیگی تشقی ایشلر وزیرلیگی دوحه‌ده بولیب اوته‌دیگن اوچینچی ییغیلیشده قتنشماقچی بولگن افغانستان اسلام امیرلیگی هیئتی اوشبو ییغیلیش کون ترتیبیده‌گی هر ایکّی مسأله یوزه‌سیدن؛ بنگی وار مادّه‌لرگه قرشی کوره‌شیش، مالی و بانک بیرکیتیلگن پوللر موضوعی، خصوصی سکتورنی رواجلنتیریشده‌گی معمالرگه قرشی کوره‌ش تولیق تیارگرلیک کوریلگنینی ایتدی.
