تاسف بیلن تیناوون کیچه پکتیا ولایتی‌نینگ گیان، نکی، برمل، زیروک و خوست ولایتی نینگ سپیری اولسواللیکلریگه تیگیشلی قیشلاقلرده قتیق ییر قیمرله‌شی حقیده‌گی ساووق خبرنی ایشیتدیم، بو طبیعی حادثه‌ده یوزلب یشش اوی نوره‌ب توشگن و تاسف بیلن بو واقعه‌ده ۳۰۰ کیشی وطنداش‌لری‌میزدن شهید و ۵۰۰ کیشی ایسه یره‌لنگن دیر. شونینگدیک قربانلر سانی آشیشی ممکن.
افغانستان اسلامی امارت اوشبو مدهش واقعه قربانلری‌نینگ عایله اعضالری و یقینلریگه و همده افغانستان خلقی‌گه اوز چوقور همدردلیگینی بیلدیره‌‌دی، شهید بۉلگنلر نینگ عایله اعضالری و یقینلریگه الله تعالیدن صبر و برداش تیلب شهیدلرنینگ جایی جنتدن بۉلیشی و یره‌دارلر اېسه تیزراق ساغه‌ییب کېتیشینی تیله‌‌یدی.
اسلامی امارت فوق العاده وضعیتلر وزیرلیگیگه برچه منفعت‌دار عملدارلر، والی صاحب‌لر و عادي افغانلر بیلن بیرگه لیکده امکان قدَر تیزراق واقعه جاییگه ییتیب باریش، شهیدلر و یره‌دارلرنی یوکلر آستیدن چیقاریش و دوالش ایشلرینی آلیب باریش همده تیز یاردم کورسه تیش اوچون ضرور چاره لرنی کۉریش تاپشیردی.
بیز، شونینگدېک، خلق ارا همجمعیتنی، خیریه تشکیلاتلرینی و برچه انسان پرورلیک تشکیلاتلرینی افغان خلقی گه اوشبو بویوک فاجعه ده یاردم بېریشگه چقیره میز.
خدادن بی‌چاره خلقیمیزنی سیناو و مصیبتلردن اسره شنی سۉره یمن. آمین یا رب العلمین
عالیقدر امیرالمؤمنین شیخ الحدیث مولوي هبة الله اخندزاده حفظه الله
۲۲/۱۱/۱۴۴۳هـ ق
۱/۴/۱۴۰۱هـ ش ــ 2022/6/22م
