کابل ۱۰ سرطان باختر
باش وزیر ادارهسی نینگ اداری اورینباسری بیر قطار بادغیس علمالری و مجاهدلری بیلن صحبتیده اولوسگه تورلی ساحهلرده خدمت کورسهتیش افغانستان اسلام امیرلیگی نینگ وظیفهلریدن بیری ایکنلیگینی تأکیدلهدی.
ارگ گزیتهسیده یازیلیشیچه، افغانستان اسلام امیرلیگی، باش وزیر ادارهسی نینگ اداری اورینباسری مولوی عبدالسلام حنفی بادغیس نینگ بیر قطار عالِملری و مجاهدلری بیلن اوچرهشگن.
اوشبو اوچرهشووده مولوی جمالالدين باش وزیر ادارهسی نینگ اداری اورینباسریگه باشقهلر نامیدن بادغیسدهگی اجتماعی و اقتصادی وضعیت حقیده معلومات بیردی و تعلیم، ساغلیقنی سقلش، ترانسپورت و رواجلنیش لایحهلرینی باشلش کبی مسألهلرگه اشاره قیلدی. افغانستان اسلام امیرلیگی رسميلری بو ساحهگه علیحده اعتبار بیریشنی سوردیلر.
افغانستان اسلام امیرلیگی نینگ اداری اورینباسری مولوی عبدالسلام حنفی هم اوشبو اوچرهشووده خوفسیزلیکنی تأمینلش، اولوسگه تورلی ساحهلرده خدمت کورسهتیش، اولرگه فراوانلیک و قولهیلیک یرهتیش اسلام امیرلیگی نینگ وظیفهلریدن بیری ایکنلیگینی تأکیدلهدی.
باش وزیر ادارهسی نینگ اداری اورینباسری شونینگدیک، افغانستان اسلام امیرلیگی بادغیس علمالری و مجاهدلری تامانیدن کوتریلگن مسألهلرگه نسبتاً یوقاریده قید ایتیلگن مسألهلرنی اعتبارگه آلیشینی قوشیمچه قیلدی.