کابل ۱۰ سرطان باختر
افغانستان اسلام امیرلیگی نینگ باش وزیر ادارهسی نینگ اداری اورینباسری مولوی عبدالسلام حنفی جوزجان نینگ درزاب و قوش تیپه تومنلری نینگ بیر قطار عالِملری و نفوذلی کیشیلری بیلن اوچرهشدی.
ارگ اخبارات نامهسیده اوشبو اوچرهشوو ساغلیقنی سقلش سرپرست وزیری مولوی نور جلال جلالی هم قتنشگنینی یازگن؛ بو عالِملر و نفوذلی کیشیلر ساغلیقنی سقلش مسألهلری بوییچه، باش وزیر ادارهسی نینگ اداری اورینباسری و ساغلیقنی سقلش وزیرلیگی نینگ سرپرست وزیریگه قید ایتیلگن تومنلردهگی سلامتلیک حالتی و ساغلاملشتیریش مرکزلری توغریسیده معلومات بیریب، اوشبو ایکّی تومنده ساغلیقنی سقلش مرکزلری موجود بولسه-ده، طبی یاردم کورسهتیلهیاتگنلیگینی ایتیشدی. اولرده ساغلیقنی سقلش خدمتلری دوام ایتماقده، بیراق بو مرکزلر قید ایتیلگن تومنلر اهالیسی اوچون ایترلی ایمس دیب حسابلهدی.
اولر افغانستان اسلام امیرلیگی رسميلریدن درزاب و قوش تیپه تومنلریده کلینیکلر تشکیل ایتیش و اهالیگه طبی خدمت کورسهتیشگه علیحده اعتبار قرهتیشلرینی سوردیلر.
افغانستان اسلام امیرلیگی، باش وزیر ادارهسی نینگ اداری اورینباسری مولوی عبدالسلام حنفی اوشبو اوچرهشووده خوفسیزلیکنی تأمینلش، اولوسگه تورلی ساحهلرده خدمتلر کورسهتیش، جملهدن، ساغلیقنی سقلش خدمتلرینی کورسهتیش اسلام امیرلیگی نینگ وظیفهلریدن بیری ایکنلیگینی تأکیدلهدی و متصدیلر بو بارهده هیچ قندهی کوچینی ایهمسلیگینی ایتدی.
شونینگدیک، باش وزیر ادارهسی نینگ اداری اورینباسری اوشبو عالِملر و نفوذلی کیشیلر نینگ تکلیفلریگه توختهلیب، افغانستان اسلام امیرلیگی موجود امکانیتلرنی حسابگه آلگن حالده مذکور حالتلر بیلن شغللنیشینی تأکیدلهدی.