کابل ۱۰ سرطان باختر
افغانستان نینگ پیشاوردهگی باش قنسولی و مملکت نینگ کوپ سانلی فقرالری بیلن اوچرهشوویده باش وزیر ادارهسی نینگ سیاسی اورینباسری اسلامی توزومی نینگ ایچکی و تشقی سیاستی ملی منفعتلر اساسیده اسلام سایهسیده عملگه آشیشینی تأکیدلهدی.
ارگ گزیتهسی نینگ خبر بیریشیچه، افغانستان اسلام امیرلیگی، باش وزیر ادارهسی نینگ سیاسی اورینباسری مولوی عبدالکبیر توناون سپیدار سراییده افغانستان نینگ پیشاوردهگی باش قنسولی حافظ محب الله و کوپ سانلی مملکت فقرالری بیلن اوچرهشگن.
اوشبو اوچرهشووده ایتنیک آقسقاللر و عالِملر باش وزیر ادارهسی نینگ سیاسی اورینباسری نینگ خلقنی جیپسلشتیریش، اولر نینگ آوازینی تینگلش بارهسیدهگی سعی-حرکتلرینی یوقاری بهالب، افغانلر حکومت بیلن هر قندهی درجهده همکارلیک قیلیشینی تأکیدلهدیلر.
اولر افغانستان اسلام امیرلیگی نینگ تشقی سیاستینی موفقیتلی دیب اتشدی و تیزیمنی مستحکملش اوچون ایتنیک توزیلمهلردن کوپراق فایدهلنیشنی تکلیف قیلیشدی.
خودّی شوندهی، افغانستان نینگ پیشاوردهگی باش قنسولی حافظ محب الله باش وزیر ادارهسی نینگ سیاسی اورینباسریگه اوزی نینگ رسمی ایشلری حقیده معلومات بیرر ایکن، خدمتلر کورسهتیش اوّلگیگه نسبتاً یخشیلنگنی و بو بارهدهگی برچه ایشلر نارمل دوام ایتهیاتگنینی ایتدی.
افغانستان اسلام امیرلیگی، باش وزیر ادارهسی نینگ سیاسی اورینباسری مولوی عبدالکبیر هم افغانستان اسلام امیرلیگینی مملکتدهگی برچه ایتنیک گروهلرگه تیگیشلی دیب حسابلب، اسلام تیزیمی نینگ ایچکی و تشقی سیاستی شو طریقه سیاست سایهسیده ایکنلیگینی ایتدی. اسلام ملی منفعتلرگه اساسلنهدی و اونی عملگه آشیریش اوچون خلق مصلحتی ضرور دیب تأکیدلهدی.
باش وزیر ادارهسی نینگ سیاسی اورینباسری افغانستان نینگ پیشاوردهگی باش قنسولیگه هم افغانستان اسلام امیرلیگی نینگ وکیلی بولهر ایکن، مزاجلرگه ینهده صفتلی خدمت کورسهتیش اوچون کوپراق حرکت قیلیش کیرهکلیگینی ایتدی.