کابل ۹ سرطان باختر
افغانستان اسلام امیرلیگی نینگ قطار متصدیلری، ایتنیک آقسقاللر و علمالر بیلن بولیب اوتگن اوچرهشووده باش وزیر ادارهسی نینگ سیاسی اورینباسری مولوی عبدالکبیر بو تیزیم خلقدن کیلیب چیققنلیگینی و برچه ادارهلر بیلن یقین علاقهده بولیشی ضرورلیگینی تأکیدلهدی.
ارگ خبرنامهسیده افغانستان اسلام امیرلیگی، باش وزیر ادارهسی نینگ سیاسی اورینباسری مولوی عبدالکبیر افغانستان اسلام امیرلیگی نینگ بیر قطار رسميلری و مملکت نینگ تورلی منطقهلری نینگ ایتنیک آقسقاللری و عالِملری بیلن اوچرهشگنینی یازدی.
اوشبو اوچرهشووده قیشلاقلرنی قَیته تیکلش و رواجلنتیریش وزیرلیگی نینگ معینی مولوی عبدالرحمن، شهیدلر و معلوللر وزیرلیگی نینگ معینی ملا عبدالرزاق آخوند، غور ولایتی نینگ حاکمی مولوی دین دوست، لوگر علمالر کینگشی باشلیغی شیخ اسماعیل، لوگر امنیه قوماندانلیگی نینگ قوماندانی محمد دین شاه محبت، و قندهار ولایتی نینگ اخبارات و مدنیت باشقرمه باشلیغی مفتی انعام الله سمنگانی همده بیر قطار ایتنیک آقسقاللر و علمالر حاضریلگی بیلن اوچرهشوو بولیب اوتدی.
تیلگه آلینگن علما و آقسقاللر افغانستان اسلام امیرلیگی بیلن دایمی همکارلیک قیلیشلریگه ایشانچ بیلدیرر ایکنلر، خلق مجاهدلر نینگ یاندشوویدن، مملکت بویلب خوفسیزلیک مستحکملنهیاتگنیدن ممنون ایکنینی تأکیدلهدیلر.
بو علما و آقسقاللر تورلی حدودلرده آبادانلشتیریش لایحهلری و اسلام قاعدهلرینی تطبیق ایتیشگه علیحده اورغو بیریشدی.
خودّی شوندهی، افغانستان اسلام امیرلیگی نینگ مذکور اوچرهشووده قتنشگن رسميلری هم باش وزیر ادارهسی نینگ سیاسی اورینباسریگه اوز فعالیتی حقیده معلومات بیریب، برچه فقرالرگه اینگ یخشی خدمت کورسهتیشگه کفالت بیردیلر.
افغانستان اسلام امیرلیگی، باش وزیر ادارهسی نینگ سیاسی اورینباسری مولوی عبدالکبیر هم یوقاریده قید ایتیلگن اوچرهشووده ذمّهسیگه یوکلهتیلگن وظیفهلر یوزهسیدن متصدیلرگه معلومات بیردی.
شونینگدیک، باش وزیر ادارهسی نینگ سیاسی اورینباسری افغانستان اسلام امیرلیگی خلق آرهسیدن پیدا بولگنلیگی و برچه ادارهلر خلق بیلن یقین علاقهده بولیشی، اولر نینگ طلب و معمالرینی اوز وقتیده حل ایتیشی ضرورلیگینی تأکیدلهدی.