پاکستان باش وزیری افغانستان اسلامی امارت ریاست الوزراء باشلیغی بیلن تیلفون آرقلی گپلشدی

2 سرطان ۱۴۰۱

پاکستان باش وزیری حرمتلی شهباز شریف افغانستان اسلامی امارت ریاست الوزراء باشلیغی حرمتلی ملا محمد حسن اخند بیلن بوگون کیچ قورون تیلفون ده گپیردی.
پاکستان باش وزیری شهبار شریف اسلام امارت ریاست الوزراء رییسی گه خوست، پکتیکا و باشقه بیر قطار ولایتلرده یوز بیرگن زلزله اوچون پاکستان خلقی همده حکومتی نماینده لیگیده بو طبیعی حادثه ده یوز بیرگن جانی و مالی زیانلر اوچون اوز قیغوداشلیگینی بیلدیریب بو توغریده اسلامی امارت گه هر قنده ی یاردم بیریشگه تیار ایکنینی ایتدی.
پاکستان باش وزیری نینگ ایتیشیچه، بونده ی بیر آغیر شرایط ده افغان خلقی قاله ویرسه حادثه ده یره لنگنلر دواله نیشی اوچون انگور ادی و غلام خان بندر دروازه سی آچیق دیر.
شهباز شریف جنابلری سوزلریگه کوره، واقعه ده جبر کورگنلرگه کمک قیلیش اوچون بیزلرنینگ یاردملریمیز بیرینچی بسته سی ییتیب باره دی و باشقه تیگیشلی اداره لرگه بو خصوصیده جدی همکارلیک قیلیشلرینی ایسته یمن.
او شونینگ دیک افغانستان نینگ اقتصادی احوالینی یخشیلش اوچون بیز جهان صحنه سیده افغانستان موزله تیلگن پولینی امریکادن آزاد قیلیش اوچون سعی و حرکتلریمیزنی دوام ایتتیره میز دیدی.
افغانستان اسلامی امارت ریاست الوزراء باشلیغی حرمتلی ملا محمد حسن اخند پاکستان باش وزیری نینگ قیغوداشلیگیدن منتدارچیلیک قیلیب ایتیشیچه، بونده ی بیر آغیر شرایط ده پاکستان مسلمان ایناغه بیر مملکت صفتیده افغانستان منتدارچیلیک بیلدیره من دیدی.
ملا محمد حسن اخند نینگ سوزلریگه کوره، افغانستان نینگ کوپلب ولایتلریده زلزله، قار و سوو تاشقینلری یوز بیردی شو وقت بیلن حکومت تدبیر کارلر و خیریه تشکیلاتلری خیریه جمغرمه لر خوست، پکتیکا اهالیسگه یاردم بیریش اوچون قولیدن کیلگونچه کمک قیلگنینی منطقه گه تیگیشلی اداره لر خادملری یوباریلگن.
حرمتلی ریاست الوزراء باشلیغی اوزی نینگ صحبتلری اداغیده، افغانستان طبیعی حادثه لرده جوده کته ضرر کورگن، دنیا یاردم کورستووچی دولتلر بونده ی بیر وقت ده زیان کورگن عایله لرگه عاجل یاردم بیریشی کیره ک دیدی. عزیز “ارسوی”