کابل، سرطان آی 11، کابل
اوچ کونلیک کابلده بولیب اوتکن افغانستان بویوک عالم‌لر ییغیلشی‌ده قطار آقسقال‌لر، قوم بویوک‌لری اشتراک ایدی‌لر، بوگون کیچقرون 11 ماده‌لیک بیر قطع‌نامه صادر قلیب، اوز موقف‌لری اسلامی توزوم خصوصی همده ممکلت جاری وضعیتی قوییده‌گی‌لردن عبارت:
بیرینچی ماده:
اسلامی توزوم تینگری تعالی‌نی بویوک مرحمتی همده مؤمِن خلقی‌میزنینگ ازلی آرزوسی بولگن. اسلامی توزوم‌ده عدالت، خوفسیزلیک، ناموس و برکت بارلیگینی تجربه اثبات‌له‌دی.
اسلام توزومی جهادنینگ بویوک مرام و مقصدی بولیب کیلگن، قیرق ییلدن آرتق قربان‌لیکلریمیز، هجرت و مشققت‌لریمیزدن عبارت ایدی که، الله سبحانه و تعالی‌نینگ الاحیده فضلی و رحمتی بیلن عزیز یورتی‌میزده اسلام نظامی حکمران بولدی. بیز بونی نه فقط قاطعیت بیلن قوللب-قوتله‌میز بلکی اونی هر تمانلمه حمایه قیلیش و قوللب-قوتلشنی بوتون خلقی‌میزنینگ دینی و ملی بورجی دیب بیله‌میز.
ایکینچی ماده:
ینه بیر بار افغانستان اسلام امیرلیگی زعیمی بیلن بیعت قیلیشی‌میزنی امیر المؤمنین شیخ الحدیث مولوی هبةالله آخندزاده حفظه الله دن اعلان قیله‌میز.
بیز جناب‌لرینی اسلام امیرلیگی‌نینگ شرعی زعیمی اولاراق قبول قیلیب، تینگری تعالی دن قدرلی برچه دینی و دنیاوی ایشلرده موفقیت‌لر تیلی‌میز.
اوچینچی ماده:
اسلام امیرلیگی افغانستان خلقی متنی‌دن وجودگه کیلگن و اونینگ برپا ایتیلیشده هیچ قندی تشقی یونه‌لیش دخالت قیلمه‌گن؛ شونینگ اوچون بو اونینگ ایچکی قانونی‌لیگی نینگ ایشانچلی سببی‌دیر.
شونینگدیک، بوتون مملکتده ملی خوفسیزلیک تامین‌لندی، حاکمیت آرال‌لری کوتاریب تشلنه‌دی، افغانستان و منطقه دولت‌لریگه قره‌گن تهدیدلر برطرف ایتیل‌دی، حکومت‌ده‌گی فساد، اوزباشیمچه‌لیک و اوغیرلیک مدنیتی‌گه سون بیریب، افغانستان‌ده کوچلی و مرکزی بیر توزوم‌نی یره‌تدی. اوشبو توزوم‌نی مستحکملش نه فقط افغانستان و منطقه مملکت‌لری، بلکی بوتون دنیا منفعتی اوچون دیر.
بناءً منطقه و دنیا دولت‌لرینی، بیرلشگن ملت‌لر تشکیلاتی و باشقه ایریم خلق-ارا تشکیلات‌لرنی، اینقسه اسلامی دولت و تشکیلات‌لرنی، اسلام امیرلیگینی قانونی توزوم صفتیده تن آلیشگه، او بیلن ایجابی مناسبت‌ده بولیش، برچه چیک‌لاولرنی آلیب تشلش‌گه چقیره‌میز. شونینگدیک افغانستان خلقی‌نینگ موزلتیلگن مبلغ‌لری آزاد ایتیلیشی و خلقی میزنی اقتصادی ترقیات و قیته قوریش‌ده قوللب-قوتلشینی سوره‌یمیز.
تورتینچی ماده:
بیز افغانستان اسلام امیرلیگی تمانیدن بنگوار ماده‌لرنی یتیشتیریش، ایشلب چیقریش، قاچاق و فایده‌لنیش‌نینگ آلدینی آلیش بوییچه چیقاریلگن بویروغنی قتتیق قوللب-قوتلشی میزنی بیان قیله‌میز.
بیشینچی ماده:
اوز-ارا حُرمت و همکارلیک تمایلینی حسابگه آلگن تقدیرده، بیز اسلام امیرلیگی‌نینگ قوشنی دولت‌لر، منطقه و دنیا ایشلریگه اراه‌لش‌مسلیک، اولرگه قرشی افغانستان توپراغیدن فایده‌لن‌مسلیک سیاستی توغریسده‌گی قرارینی قوللب-قوتله‌یمیز. شونینگدیک همکارلیکدن کلیب چیقیب، بیز قوشنی دولت‌لردن منطقه و دنیادن افغانستان‌نینگ ایچکی ایشلریگه اره‌لش‌مسلیک‌نی و هیچ کیم‌نینگ اوز توپراغیدن افغانستانگه قرشی هجوم اوییشتیریشگه یول قوی‌مسلیکنی سوره‌یمیز.
آلتینچی ماده:
افغانستان اسلام امیرلیگی بوتون ممکلت اوستیده حکمرانلیک قیلوچی، مملکتده خوفسیزلیک و عدالتنی تامینلاوچی اسلامی بیر توزوم بولیب، عصیانچی و بوزغونچیلیک قیله دیگان توزوم‌لرگه قرشی تانیلگن. شونینگدیک، اسلامی شریعت و ملی منفعتلرگه ضد بولگن، اسلامی نظام‌گه هرقندی قرشیلیک کورسه‌تیش، فساد و ناقانونی حرکت دیب حساب‌لنه‌دی.
یتینچی ماده:
ایل‌گه سیس‌لنه میز، داعیش پدیده‌سی “فتنه‌چی” بوگونگی کونده یورتی‌میزده بوزغوتچیلیکنی ترقتیب یاتگن خارجی و باطل بیر فرقه دیر، اولر بیلن هرقندی یاردم و علاقه‌ده بولیش قتعاً جایز ایمس.
سیککیزنچی ماده:
اجتماعی ترماقلر آرقلی قوزغله‌یاتگن ضررلی مسئلهلر و مناظره‌لردن عالم‌لرنی سقله‌لنیشگه چقیره‌میز.
چونکی او آدم‌لر اورته‌سیده فتنه کیلتیریب تشویش و اختلاف چیقاره‌دی و ملت اورته‌سیده فتنه چیقیش‌گه سبب بوله‌دی.
توقیزنچی ماده:
اسلام امیرلیگینی عدالت، دینی و زمانوی تعلیم، ساغلیقنی سقلش، ایکینچلیک، صنعت، اقلیت‌لر حقوقی، باله‌لر، عیال‌لر، برچه خلق حقوق‌لری، هر تمانلمه ترقیات، اقتصادی اوسیش و موازنت‌لی ترقیات‌گه اعتبار قرهتیشگه چقیره‌میز.
اوننینچی ماده:
بیز اسلام امیرلیگی رهبریتینی موجود بیرلیگینی ینهده مستحکم‌لشگه چقیره‌میز؛ ملی بیرلیکنی مستحکملش و برچه توپراغیدن محافظت قیلیشنی سوره‌یمیز. شونینگدیک ملی منفعت‌لر و خلق فراوانلیگینی روی‌آبگه چیقاریش، قشاقلیک و ایش‌سیزلیک‌نینگ آلدینی آلیش یولیده مهم و ثمره‌لی آدیم‌لر آتیش‌لری کیره‌ک.
اون‌بیرینچی ماده:
اگر اسلام امیرلیگی خارجی ممکلت‌لرگه چیققن شخصیت‌لرنی قیته دعوت قیلیش جریانینی باشله‌گن بولسه؛ بیز بونی قوللب-قوتله‌یمیز. افغانستان برچه افغانستان‌لیکلرنی مشترک اویی، بو ییرده هیچ کیم اوزینی بیگانه حس قیلمسلیگی کیره‌ک. تشقی اولکه‌لرده یشه‌یاتگن شخصیت‌لردن یوزه‌گه کیلگن وضعیت‌نی امکانیت بیلیب، اوز وطن‌لریگه قیتیشلرینی همده تشقی مملکت‌لرنی مغرضانه حرکت‌لری‌دن قاچیش‌لرینی طلب قیله‌میز. “عزیز ارسوی”
