کابل ۲ حوت باختر
ملی احصائیه و معلومات اداره‌سی اوتگن آیده ۳۰۰ مینگ کیشیگه الکترونیکی کیملیکلر ترقه‌تدی.
ملی احصائیه و معلومات اداره‌سی نینگ مطبوعات خدمتی بوگون اوشبو ینگیلیکنی اعلان قیلدی: اوشبو بولیم جاری ییل نینگ دلو آییده ۷۶ ته قوله‌ی الکترونیکی کیملیکلر ترقه‌تیش مرکزلری آرقه‌لی مملکتیمیز نینگ ۳۰۰ مینگ فقراسیگه الکترونیکی کیملیکلر ترقتدی.
بو آیده اینگ کوپ ترقه‌تیلگن الکترونیکی کیملیکلر کابل ولایتیده بولیب، ۶۰ مینگ کیشیگه ترقه‌تیلدی. کابلدن کیین هراتده ۳۰ مینگگه یقین، بلخده ۱۸ مینگ، ننگرهارده ۱۵ مینگ و قندهارده ۱۴ مینگگه یقین کیشیگه الکترونیکی کیملیکلری ترقه‌تیلگن.
شونینگدیک، جاری آیده ۱۰ مینگ کیشیدن آرتیق فقراگه الکترونیکی کیملیکلر ترقه‌تیلیب، خدمت کورسه‌تیلدی.
اخبارات نامه ده ایتیلیشیچه: ملی احصائیه و معلومات اداره سی تومن مقیاسیده الکترونیکی کیملیک ترقه‌تیش مرکزلرینی فعاللشتیریش و یورتداشلر اوچون ینه‌ده قوله‌یلیکلر یره‌تیشگه حرکت قیلماقده.
