کابل، ۳۰ جدی، باختر
افغانستان اسلام امیرلیگی نینگ اداری اورین‌باسری مولوی عبدالسلام حنفی بوگون توشدن کیین مملکت نینگ تورلی ولایتلریدن کیلگن بیر گروه عالِملر و نفوذلی شخصلر بیلن اوچره‌شدی.
دستلب اولر اوز ولایتلری نینگ اجتماعی، اقتصادی و خوفسیزلیک مسأله‌لری حقیده سوز یوریتیب، اسلام امیرلیگی متصدیلری خلققه خدمت کورسه‌تیش یولیده کیچه‌یو کندوز محنت قیلیشه‌یاتگنی، بو ولایتلر اهالیسی ایسه ولایت متصدیلریدن ممنون ایکنلیکلرینی ایتیشدی. اسلام امیرلیگی، اینیقسه، مجاهدلر خوفسیزلیگینی تأمینلش نقطه‌ی نظریدن.
اولر تعلیم، ساغلیقنی سقلش و ترقیات ایشلرینی خلق نینگ اساسی احتیاجلری دیب اته‌ب، اسلام امیرلیگی متصدیلریدن بو باره‌ده اعتبار بیریشلرینی سوردیلر.
باشقه تاماندن، باش وزیرلیک اداره سی اورین‌باسری مولوی عبدالسلام حنفی اولرنی قوتلر ایکن، اسلام امیرلیگی تورلی ساحه‌لرده خلققه خدمت قیلیشنی اوزی نینگ اساسی مجبوريه‌تلریدن بیری دیب بیلیشینی و بو باره‌ده هیچ قنده‌ی کوچ-غیرتینی ایه‌مسلیگینی ایتدی.
باش وزیرلیک اداره سی نینگ اورین‌باسری تعلیم، ساغلیقنی سقلش و ترقیات مسأله‌لریگه توخته‌لیب، اسلام امیرلیگی متصدیلری خلق نینگ بو ساحه‌لرده‌گی احتیاجلرینی امکان قدَر قاندیریشگه حرکت قیله‌یاتگنلیکلرینی تأکیدله‌دی.
