کابل، ۲۶ دلو، باختر
آذربایجان جمهوریتی نینگ کابلدهگی ایلچیسی مولوی امیر خان متقی بیلن تنیشوو اوچرهشوویده الهام محمدوف اوز مملکتی تشقی ایشلر وزیرلیگی نینگ افغانستانده ایلچیخانه آچیلیشی توغریسیدهگی رسمی مکتوبینی افغانستان تشقی ایشلر وزیرلیگی نینگ سرپرست وزیریگه تاپشیردی.
بو اوچرهشووده افغانستان و آذربایجان اورتهسیدهگی دیپلوماتیک مناسبتلر نینگ باشلنیشی، اقتصادی همکارلیک و باشقه کوپلب موضوعلر بحث قیلیندی.
تشقی ایشلر وزیرلیگی رهبری کابلده ایلک بار آذربایجان جمهوریتی ایلچیخانهسی آچیلیشی و ایلچی درجهسیده دیپلومات یوباریلگنینی ایکّی تامانلهمه مناسبتلردهگی مهم واقعه دیب اتهدی و بونی ایکّی دولت افغانستان و آذربایجان اورتهسیدهگی دوستلیک نینگ یخشی بیلگیسی دیب اتهدی.
متقی افغانستان و آذربایجان اورتهسیدهگی مناسبتلرنی تاریخی دیب بهالهدی و بو دولت ایلچیسینی قوتلهدی همده افغانستان اسلام امیرلیگی تشقی ایشلر وزیرلیگی آذربایجان نینگ کابلدهگی ایلچیخانهسیگه ضرور یاردم کورسهتیشگه تیارلیگیگه ایشانتیردی.
تشقی ایشلر وزیرلیگی نینگ سرپرست وزیری هم شوندهی دیدی؛ اسلام امیرلیگی افغانستان نینگ باکودهگی ایلچیخانهسیده دیپلوماتیک اشتراک ایتیش درجهسینی آشیرماقچی.
شو بیلن بیرگه، آذربایجان نینگ کابلدهگی ایلچیسی الهام محمدوف آذربایجان – افغانستان و مستقللیگینی حرمت قیلیشینی همده افغانستان نینگ ایچکی ایشلریگه ارهلشمسلیگینی ایتدی.
محمدوف افغانستان – آذربایجان نینگ حدودی یخلیتلیگینی دایما قوللب-قوّتلب کیلگنیگه منّتدارلیک بیلدیردی. آذربایجان ایلچیسی نینگ ایتیشیچه، کابلده آذربایجان ایلچیخانهسی تاریخده بیرینچی مرته آچیلماقده.
او افغانستان حکومتی نینگ خوفسیزلیک، برقرارلیک، بنگی وار مادّهلرگه قرشی کورهش و اقتصادی ترقیات بارهسیده ایریشگن یوتوقلرینی یوقاری بهالهدی.
محمدوف افغانستان و آذربایجان اورتهسیده کوپلب ساحهلرده همکارلیک قیلیش اوچون یخشی امکانیتلر موجودلیگینی، بو ایکّی دولت اوچون هم فایدهلی ایکنینی تأکیدلهدی.