کابل، ۱۴ قوس، باختر
اروپا اتفاقی نینگ کابلدهگی ایلچیسی؛ قاچقینلر و قَیتگنلر وزیرلیگی نینگ سرپرست وزیری بیلن اوچرهشوویده او افغان قاچقینلری نینگ پاکستاندن دیپورت قیلینیشینی آچیق عدالتسیزلیک دیب اتهدی.
مهاجرلر و قَیتگنلر وزیرلیگی مطبوعات خدمتی بوگون اخبارات نامه ده چاپ ایتدی و شوندهی دیدی: مهاجرلر و قَیتگنلر وزیرلیگی نینگ سرپرست وزیری الحاج خلیل الرحمان حقّانی اروپا اتفاقی ایلچیسی بیلن اوچرهشوویده شوندهی دیدی: بیز وقتینچهلیک مهاجرلرنی اوزگرتیرماقچیمیز. قَیتیب کیلگنلر نینگ کمپلری اوزاق مدتلی تورر – جای قوریب بیرماقده میز.
بو ییغیلیشده اروپا اتفاقی شارژدافیری شوندهی دیدی: پاکستان حکومتی نینگ مهاجرلرگه نسبتاً یقینده قبول قیلگن قراری کتّه و آچیق عدالتسیزلیک بولدی و بیز قَیتیب کیلگنلرنی قوللب – قوّتلشده دوام ایتهمیز.
او دیپورت قیلینگن مهاجرلر نینگ احوالینی دقّت بیلن کوزهتگن و اورگنگن و بیز مجبوراً قَیتگنلرگه کوپراق یاردم آلیش اوچون اولر نینگ آوازینی دنیاگه ییتکزهمیز، دیب قوشیمچه قیلدی.
بو ییغیلیشده بیرلشگن ملتلر تشکیلاتی نینگ افغانستاندهگی قاچقینلر بوییچه عالی کمیسارلیگی اورینباسری شوندهی دیدی: مین کوپ مملکتلردهگی مهاجرلر انقراضینی کورگنمن و اسلام امیرلیگی بو انقراضنی قندهی باشقهرگنی تحسینگه لایق.
مهاجرلر ایشلری وزیرلیگی نینگ وزیری: «ساووق فصل کیلیشی بیلن مهاجرلر نینگ معمالری کوچهیهدی، اولرگه شاشیلینچ بیلن یاردم بیریش و اولر نینگ معمالرینی حل قیله آلهلیش کیره ک، باشپناه قوریش، ینگی ایش اورینلری یرهتیش و باشقه مسألهلرگه اعتبار قرهتیش لازم. اولر اوچون لازمی و اساسی یاردم شولردن عبارت دیر.
حقّانی نینگ ایتیشیچه، قَیتیب کیلگنلرنی قیشده بیر قطار ولایتلرگه کوچیریش نینگ علاجی بولمهگنی اوچون بیز وقتینچهلیک کمپلرنی اوزاق مدتلی تورر جای کمپلریگه ایلنتیرماقچیمیز و بیزگه دولتلردن انسانپرورلیک یاردمی کیرهک.
اونینگ قوشیمچه قیلیشیچه، رسمی چیگره دروازهلریدن تشقری، مهاجرلر قَیتیب کیلهدیگن نارهسمی یوللرگه هم اعتبار قرهتیش لازم دیدی.