کابل باختر 11 سرطان
داکتر عبدالله عبدالله رییس اجراییه بعد از دیدار و ملاقات با نخست وزیر جمهوری ازبکستان در شهرمزار شریف، پس از چاشت روز دوشنبه برای ملاقات با ستر جنرال عبدالرشید دوستم معاون نخست ریاست جمهوری وارد ولایت جوزجان شد.
به اساس معلومات دفتر مطبوعاتی ریاست اجراییه به آژانس باختر، در میدان هوایی جوزجان سترجنرال عبدالرشید دوستم معاون نخست ریاست جمهوری، والی جوزجان، مقام‌های نظامی و باشندگان پرشور این ولایت از رییس اجراییه کشور استقبال کردند. رییس اجراییه بعد از معاینه قطعه تشریفات به منزل سترجنرال عبدالرشید دوستم رفت.
رییس اجراییه در جریان اقامت خود در جوزجان، با سترجنرال عبدالرشید دوستم معاون اول ریاست جمهوری، مقام‌های ملکی و نظامی ولایت جوزجان و متنفذان و اعضای جامعه مدنی ان ولایت دیدار می‌کند. نالان
